உலகக் கோப்பை டி20: இந்தியா -பாக். போட்டிக்கு "எக்ஸ்ட்ரா"வாக 5000 சீட்!

கூடுதலாக 5000 சீட்கள்

தர்மசா மைதானம் சற்று சிறியதாகும். இங்கு 20,000 இருக்கைகளே உள்ளன. ஆனால் இந்தியா, பாகிஸ்தான் மோதலுக்கு ரசிகர்கள் குவிவார்கள் என்பதால் அங்கு இருக்கைகளின் எண்ணிக்கையை 5000 அதிகரிக்க முடிவு செய்யப்பட்டுள்ளது.

5 ஸ்டார் அறைகள்

இதுகுறித்து இமாச்சல் பிரதேச கிரிக்கெட் சங்க செய்தித் தொடர்பாளர் சஞ்சய் சர்மா கூறுகையில், இங்குள்ள ஸ்டேடியத்தில் இருக்கைகள் அதிகரிக்கப்படும். மேலும் 5 நட்சத்திர ஹோட்டல் வசதிகளுடன் கூடிய 30 அறைகளும் கட்டப்படும்.

100 அறைகள்

தற்போது ஸ்டேடியத்துடன் இணைந்த ஹோட்டலில் 100 அறைகள் உள்ளன. இது போக 30 அறைகள் கூடுதலாக கட்டப்படும். இதன் மூலம் சர்வதேச வீரர்கள் இங்கு சவுகரியமாக தங்க முடியும்.

சுற்றுலா வளரும்

இப்போட்டியின் மூலமாக இங்கு சுற்றுலா நல்ல வளர்ச்சியைப் பெறும் என்று எதிர்பார்க்கிறோம். எனவே இமாச்சல் பிரதேச அரசும் எங்களுக்கு முழு ஒத்துழைப்பு அளித்து வருகிறது என்றார் அவர்.

மார்ச் 19ம் தேதி

இங்கு இந்தியா பாகிஸ்தான் போட்டி மார்ச் 19ம் தேதி நடைபெறுகிறது. அதற்கு முன்னதாக மார்ச் 18ம் தேதி ஆஸ்திரேலியா - நியூசிலாந்து போட்டி நடைபெறும்.

மகளிர் போட்டியும்

இதேபோல மகளிர் டுவென்டி 20 உலகக் கோப்பைக் கிரிக்கெட் தொடரின் இரு போட்டிகளும் இங்கு நடைபெறவுள்ளன. மார்ச் 22ம் தேதி ஒரு போட்டியும், 24ம் தேதி இன்னொரு போட்டியும் நடைபெறுகிறது.