Click it and Unblock the Notifications
ஆஸ்திரேலியா சுற்றுப்பயணம்
கடந்த ஜனவரியில் ஆஸ்திரேலியா சுற்றுப்பயணம் செய்த இந்திய அணி, 5 ஒருநாள் மற்றும் 3 டி20 போட்டிகளில் ஆடியது. முதல் 4 ஒருநாள் போட்டியிலும் ஆஸ்திரேலியா வென்ற நிலையில், கடைசி ஒருநாள் போட்டியில் ஆஸ்திரேலியாவின் 330 ரன்களை 4 விக்கெட் இழப்பிற்கு சேஸ் செய்து கலக்கி வென்றது இந்தியா.
கோஹ்லி ஜொலிப்பு
இதன்பிறகு நடைபெற்ற 3 டி20 போட்டிகள் கொண்ட தொடரில், 3 போட்டிகளையும் இந்தியா வென்று அசத்தியது. ஒன்டேக்களை போலவே, டி20 போட்டிகளிலும், விராட் கோஹ்லிதான் ஜொலித்தார்.
90 ரன்கள்
ஜனவரி 26ம் தேதி, அடிலெய்டு ஓவல் மைதானத்தில் நடைபெற்ற முதலாவது டி20 போட்டியில், இந்தியா 188 ரன்களை குவித்தது. விராட் கோஹ்லி 55 பந்துகளில் 90 ரன்களை குவித்து நாட்-அவுட்டாக நின்று அசத்தினார். இதில் இந்தியா 37 ரன்கள் வித்தியாசத்தில் வென்றது.
அடுத்த ஃபிப்டி
எம்.சி.ஜி மைதானத்தில் ஜனவரி 29ம் தேதி நடைபெற்ற 2வது டி20 போட்டியில் இந்தியா 184 ரன்கள் குவித்தது. இப்போட்டியில் கோஹ்லி 33 பந்துகளில் 59 ரன்கள் எடுத்து நாட்-அவுட்டாக களத்தில் நின்றார். 27 ரன்கள் வித்தியாசத்தில் இந்தியா வென்றது.
மற்றொரு அரை சதம்
ஜனவரி 31ம் தேதி சிட்னி மைதானத்தில் நடைபெற்ற கடைசி டி20 போட்டியில் முதலில் பேட் செய்த ஆஸ்திரேலியா 197 ரன்களை குவித்தது. ஆனால், சேஸ் செய்த இந்தியா கோஹ்லியின் 36 பந்துகளில் கிடைத்த 50 ரன்கள் உதவியோடு ஆட்டத்தின் கடைசி பந்தில் 7 விக்கெட்டுகள் வித்தியாசத்தில் வென்றது.
தகிட தகிட
இந்நிலையில், மொகாலியில், நேற்று நடைபெற்ற உலக கோப்பை டி20 கிரிக்கெட் சூப்பர்-10 சுற்றில், கோஹ்லி 51 பந்துகளில் 82 ரன்கள் குவித்தார். இப்போட்டியில் இந்தியா 6 விக்கெட்டுகள் வித்தியாசத்தில் ஆஸ்திரேலியாவை வீழ்த்தியது.
அவுட் செய்யவே முடியல
ஆஸ்திரேலியாவுக்கு எதிராக கடைசியாக மோதிய 4 டி20 போட்டிகளிலுமே அரை சதம் கடந்துள்ளார் விராட் கோஹ்லி. அதில் சிட்னி டி20 தவிர்த்த பிற 3 போட்டிகளிலுமே, கோஹ்லியை ஆஸ்திரேலியாவால் அவுட் செய்யவே முடியவில்லை.
கோஹ்லியின் பதிலடி
ஆஸ்திரேலியாவை குறி வைத்து கோஹ்லி அடிக்க முக்கிய காரணம், அந்த அணி வீரர்கள் ஆக்ரோஷமாக நடந்துகொள்வதுதான். கோஹ்லியும் இதை ஒப்புக்கொண்டுள்ளார். ஆக்ரோஷமான வீரர்களுக்கு எதிராக ஆக்ரோஷமாக ஆடுவதுதான் எனக்கு பிடிக்கும் என்கிறார் கோஹ்லி. இப்போது சொல்லலாம்தானே, கோஹ்லி ஜீனியஸ் என்று..?
Continue with Google