For Quick Alerts
ALLOW NOTIFICATIONS  
For Daily Alerts
 

WTC Final: விடாது அச்சுறுத்திய மழை.. முதல் நாள் ஆட்டம் கைவிடப்பட்டது.. 2வது நாள் எப்படி இருக்கும்?

சவுத்தாம்டன்: உலக டெஸ்ட் சாம்பியன்ஷிப் இறுதிப்போட்டி தொடங்குவது குறித்து ஐசிசி முக்கிய அறிவிப்பை வெளியிட்டுள்ளது.

இந்தியா - நியூசிலாந்து அணிகள் மோதும் உலக டெஸ்ட் சாம்பியன்ஷிப் இறுதிப்போட்டி இன்று தொடங்கவிருந்தது.

ரசிகர்கள் மிகவும் ஆவலுடன் எதிர்பார்த்து காத்திருந்த நிலையில் மழை பெய்து போட்டி பாதிக்கப்பட்டது.

மழை குறுக்கீடு

மழை குறுக்கீடு

உலக டெஸ்ட் சாம்பியன்ஷிப் இறுதிப்போட்டி நடைபெறுவதாக இருந்த சவுத்தாம்டன் நகரில் நேற்று இரவு முதல் மழை பொழிய தொடங்கியது. இன்று மதியம் சற்று மழை பொழிவு நிற்கும் என எதிர்பார்க்கப்பட்ட சூழலில் தொடர் மழையால் முதலில் டாஸ் பாதிக்கப்பட்டது. பின்னர் உணவு இடைவெளி வரையிலான ஆட்டம் கைவிடப்படுவதாக அறிவிக்கப்பட்டது.

அதிகாரிகள் ஆய்வு

அதிகாரிகள் ஆய்வு

இந்திய நேரப்படி மாலை 6.30 மணி முதல் மழைப்பொழிவு நின்றுள்ளது. இதனையடுத்து மைதான ஊழியர்கள், மழைநீரை அகற்றும் பணிகளில் ஈடுபட்டனர். இரு அணி வீரர்களும் பவுண்டரி எல்லைக்கு அருகில் நின்று ஆவலுடன் பார்த்துக்கொண்டிருக்க இந்திய நேரப்படி இரவு 7.30 மணிக்கு அதிகாரிகள் குழு மைதானத்தை ஆய்வு செய்யவுள்ளதாக தெரிவிக்கப்பட்டது.

ஆய்வு முடிவு

ஆய்வு முடிவு

இந்நிலையில் மைதானத்தில் ஆய்வு நடத்திய அதிகாரிகள், இன்று போட்டி நடத்த சரியான சூழல் இல்லை எனக்கூறி முதல் நாள் ஆட்டம் கைவிடப்படுவதாக அறிவித்துள்ளனர். இதனால் அனைவரும் எதிர்பார்த்து காத்திருந்த டெஸ்ட் சாம்பியன்ஷிப் இறுதிப்போட்டி டாஸ் கூட போடப்படாமல் பாதிக்கப்பட்டுள்ளது.

நாளை எப்படி இருக்கும்

நாளை எப்படி இருக்கும்

சவுத்தாம்டன் நகரில் போட்டி நடைபெறும் 5 நாட்கள் மட்டுமல்லாமல் ரிசர்வ் டே-விலும் (6வது நாள்) கருமேகங்கள் சூழ்ந்திருக்கும் என்றும், அவ்வபோது மழை பொழியும் எனத்தெரிவிக்கப்பட்டது. அறிவித்தபடியே முதல் நாள் ஆட்டம் மழையால் பாதிக்கப்பட்டுள்ளது. ஆனால் 2வது நாளில் சற்று மேகம் தெளிவாக இருக்கும் எனக்கூறப்பட்டுள்ளது. எனவே நாளையாவது ஆட்டம் தொடங்குமா என்ற கேள்வி எழுந்துள்ளது.

Story first published: Friday, June 18, 2021, 20:22 [IST]
Other articles published on Jun 18, 2021
English summary
Due to persistent rain, ICC announced day one of the WTC Final in Southampton has been abandoned
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Yes No
Settings X