WTC புள்ளிப்பட்டியல்.. கடைசி இடத்தில் இருந்து முன்னேறிய பாகிஸ்தான்.. இந்தியா எந்த இடம்?

போர்ட் ஆஃப் ஸ்பெயின்: வெஸ்ட் இண்டீஸிற்கு எதிரான 2வது டெஸ்ட் போட்டியில் பாகிஸ்தான் அணி 8 விக்கெட் வித்தியாசத்தில் அபார வெற்றி பெற்றது. இந்த வெற்றியைத் தொடர்ந்து, உலக டெஸ்ட் சாம்பியன்ஷிப் (WTC 2025-27) புள்ளிப் பட்டியலில் பாகிஸ்தான் அணி கடைசி இடத்திலிருந்து முன்னேறி 8வது இடத்தைப் பிடித்துள்ளது.

வெஸ்ட் இண்டீசுக்கு எதிரான போட்டியில் வென்றதன் மூலம் பாகிஸ்தான் அணிக்கு 12 புள்ளிகள் கிடைத்தன. இதன் மூலம் மொத்தம் 16 புள்ளிகளுடன் 22.22 சதவீத புள்ளிகளைப் பெற்று புள்ளிப் பட்டியலில் 8வது இடத்திற்கு முன்னேறியது. அதே நேரத்தில், சொந்த மண்ணில் தோல்வியைத் தழுவிய வெஸ்ட் இண்டீஸ் அணி கடைசி இடமான 9வது இடத்திற்கு தள்ளப்பட்டது. அந்த அணி 30 புள்ளிகளுடன் 20.83 சதவீத புள்ளிகளை மட்டுமே பெற்றுள்ளது. பாகிஸ்தான் அணி ஒரு இடம் முன்னேறினாலும் இறுதிப்போட்டிக்கு தகுதி பெறும் வாய்ப்பு இன்னும் மிகவும் குறைவாகவே உள்ளது.

தற்போதைய புள்ளிப் பட்டியலில் ஆஸ்திரேலிய அணி 87.50 சதவீத புள்ளிகளுடன் தொடர்ந்து முதல் இடத்தில் நீடிக்கிறது. அந்த அணி விளையாடிய 8 போட்டிகளில் 7ல் வெற்றி பெற்றுள்ளது. அடுத்த வாரம் வங்கதேச அணிக்கு எதிராக 2 போட்டிகள் கொண்ட டெஸ்ட் தொடரில் ஆஸ்திரேலியா விளையாட உள்ளது. தென் ஆப்பிரிக்கா 75.00 சதவீத புள்ளிகளுடன் 2வது இடத்திலும், நியூசிலாந்து 72.22 சதவீத புள்ளிகளுடன் 3வது இடத்திலும் உள்ளன.

வங்கதேசம் 58.33 சதவீத புள்ளிகளுடன் 4வது இடத்தில் உள்ளது. இந்திய அணி 48.15 சதவீத புள்ளிகளுடன் 5வது இடத்தில் நீடிக்கிறது. ஆகஸ்ட் மாதத்தில் இலங்கை அணிக்கு எதிராக நடைபெறவுள்ள 2 போட்டிகள் கொண்ட டெஸ்ட் தொடரில் வெற்றி பெற்று இறுதிப் போட்டி வாய்ப்பை தக்க வைக்க இந்திய அணி தீவிரமாக முயற்சிக்கும். இலங்கை அணி 6வது இடத்திலும், இங்கிலாந்து அணி 7வது இடத்திலும் நீடிக்கின்றன.

பாகிஸ்தான் சாதனை வெற்றி.. 49 ஆண்டுகளுக்கு பின் வெஸ்ட் இண்டீசை போர்ட் ஆஃப் ஸ்பெயினில் வீழ்த்தியது

பாகிஸ்தான் அணி தனது அடுத்த டெஸ்ட் தொடரில் ஆகஸ்ட் 19 முதல் இங்கிலாந்து அணியை அதன் சொந்த மண்ணில் எதிர்கொள்ள உள்ளது. இந்த 3 போட்டிகள் கொண்ட தொடர் பாகிஸ்தான் அணிக்கு மேலும் முக்கியத்துவம் வாய்ந்ததாக அமையும்.