திணறல் யுவி.
ஐபிஎல்லில் கடந்த சில சீசன்களாகவே அதிரடியாக ஆடமுடியாமல் திணறினார் யுவராஜ். ஆனால் கனடா டி20 லீக்கில் சிறப்பாக ஆடி வருகிறார். பேட்டிங் மட்டும் இல்லாமல் பீல்டிங்கிலும் கலக்கி வருகிறார்.
அசத்தல் கேப்டன்ஷிப்
பேட்டிங், பீல்டிங்கில் மட்டுமல்லாமல் யுவராஜ் சிங் கேப்டன்சியிலும் அசத்தி வருகிறார். இந்நிலையில், மாண்ட்ரீயல் டைகர்ஸ் அணிக்கு எதிராக நடந்த போட்டியில் அந்த அணி நிர்ணயித்த 137 ரன்கள் என்ற இலக்கை டொரண்டோ நேஷனல்ஸ் அணி விரட்டியது.
கூக்ளி பந்தில் யுவி.
அப்போது 5ம் வரிசையில் பேட் செய்ய வந்தார் யுவராஜ் சிங். அப்போது, பவாத் அகமது வீசிய கூக்ளி பந்தை ஸ்வீப் ஷாட் ஆட முயன்றார். அப்படி செய்ய முயலும் போது முதுகில் தசைப் பிடிப்பு ஏற்பட்டது.
அவஸ்தை
தொடர்ந்து வலியுடன் அவஸ்தைக்கு உள்ளானார் யுவராஜ் சிங். அதனால் பேட்டிங் செய்யாமல் உடனடியாக வெளியேறினார். எனினும் இலக்கு எளிது என்பதால் டொரண்டோ அணி அழகாக வெற்றி பெற்றது.