கிரீஸை வென்றாக வேண்டிய இக்கட்டான நிலையில் நைஜீரியாவும், நைஜீரியாவை வென்றாக வேண்டிய நிலையில் கிரீஸும் இன்றைய போட்டியில் சந்திக்கின்றன.

இந்தப் போட்டியில் வெல்லும் அணியே காலிறுதிக்கு முந்தைய சுற்றுக்கு முன்னேறுவது குறித்து யோசிக்க முடியும் என்பதால் இரு அணிகளுக்கும் இன்றைய போட்டி முக்கியமானதாக மாறியுள்ளது.

இரு அணிகளுமே தங்களது முதல் போட்டிகளில் தோல்வியைத்தழுவியுள்ளன. அர்ஜென்டினாவிடம் 0-1 என்ற கோல் கணக்கில் நைஜீரியா தோற்றது. தென் கொரியாவிடம் 0-2 என்ற கோல் கணக்கில் கிரீஸ் தோற்றது.

எனவே இன்றைய போட்டியில் வென்றால் மட்டுமே இரு அணிகளுக்கும் இந்த உலகக்கோப்பைப் போட்டியில் தொடர்ந்து ஆடும் வாய்ப்பு கிடைக்கும்.

இரு அணிகளும் இதுவரை 2 போட்டிகளில் மோதியுள்ளன. அதில் ஆளுக்கு ஒரு போட்டியை வென்றுள்ளன. எனவே இரு அணிகளும் கிட்டத்தட்ட சம நிலையிலேயே உள்ளன. எனவே இன்றைய போட்டி மிகவும் விறுவிறுப்பாக இருக்கும் என்பதில் சந்தேகமில்லை.