கேமரூனை அட்டகாசமாய் வீழ்த்திய குரோஷியா – 4-0 கோல் கணக்கில் அபார வெற்றி

அடித்து நொறுக்கிய வீரர்கள்:

தொடக்கம் முதலே சூடுபிடித்த இந்த ஆட்டத்தில் கேமரூன் அணியை தங்கள் அதிரடி ஆட்டத்தால் குரோஷியா வீரர்கள் ஸ்தம்பிக்கச் செய்தனர். கேமரூனுக்கு எதிராக படபடவென்று கோல்களாக அடித்துத் தள்ளினர் குரோஷியா வீரர்கள்.

தத்தளித்த கேமரூன் அணி:

எவ்வளவே பிரயத்தனப் பட்டு போராடியும், கேமரூன் வீரர்களால் குரோஷியாவை எதிர்த்தி நிற்க இயலவில்லை. குரோஷியாவின் அதிரடி ஆட்டத்தை சமாளிக்க இயலாத கேமரூனால் ஒரு கோல் கூட அடிக்க இயலவில்லை.

அலெக்சாண்டர் சாங் வெளியேற்றம்:

இந்நிலையில் முரட்டுத் தனமான ஆட்டத்தை வெளிப்படுத்தியதால் கேமரூன் அணி வீரர் அலெக்சாண்டர் சாங் போட்டியிலிருந்து வெளியேற்றப்பட்டார்.

கடும் போட்டி:

ஆட்டத்தின் 40 ஆவது நிமிடத்தில் பந்தை கைப்பற்றுவதில் கேமரூனின் அலெக்சாண்டர் சாங், குரோஷியாவின் மண்ட்சுகிச் ஆகியோர் இடையே போட்டி நிலவியது.

ஓங்கி குத்திய சாங்:

அப்போது பந்து கிடைக்காததால் ஆத்திரமடைந்த சாங், மண்ட்சுகிச்சின் முதுகில் குத்தினார். இதையடுத்து சாங்கிற்கு சிவப்பு அட்டை காட்டி அவரை போட்டியிலிருந்து நடுவர் வெளியேற்றினார்.இதுவும் கேமரூன் அணிக்கு பலத்த அடியாக அமைந்தது.

நான்கு கோல்களுடன் வெற்றி:

ரசிகர்களின் பலத்த ஆரவாரத்துக்கிடையில் தனது நான்காவது கோலை பதிவு செய்த குரோஷியா அணி, 4-0 என்ற கோல் கணக்கில் கேமரூனை வீழ்த்தி வெற்றிக்கனியைப் பறித்தது.