கத்தி முனையில் நடப்பது போலாகி விட்டது அல்ஜீரியா மற்றும் அமெரிக்காவின் நிலை. இன்று மோதும் தங்களது கடைசிச் சுற்றுப் போட்டியில் இருவருமே வென்றாக வேண்டும். யார் தோற்றாலும் அவ்ளோதான்.

அமெரிக்கா தனது முதல் இரு போட்டிகளையும் டிரா செய்து 2 புள்ளிகளுடன் உள்ளது. அல்ஜீரியா ஒன்றில் தோற்று, இன்னொன்றை டிரா செய்துள்ளது.

இன்றைய போட்டியில் அல்ஜீரியா வென்றால் 4 புள்ளிகள் பெற்று 2வது இடத்திற்கு முன்னேறும். அதேபோல அமெரிக்கா வென்றால் 5 புள்ளிகளுடன் குரூப்பிலேயே முதலிடத்தைப் பிடிக்கலாம்.

ஒரு வேளை, ஸ்லோவேனியா-இங்கிலாந்து போட்டியில் இங்கிலாந்து தோற்றால், அமெரிக்கா தப்பிப் பிழைக்கலாம். இப்படி இடியாப்பச் சிக்கலாக உள்ளது இந்த குரூப்பின் நிலை.

மொத்தத்தில் இந்தப் போட்டியில் வென்றால் வெல்லலாம் - நாக் அவுட் ரவுண்டை, தோற்றால் போகலாம் வீட்டுக்கு என்ற நிலைதான்.