வயிற்றில் 9 மாசம்... ஹெவி வெயிட் தூக்குகிறார்.. எட்டி உதைக்கிறார்.. மிரட்டும் அலெக்ஸ்

அனாயசமான உடற்பயிற்சி

அதுவும் எப்படி கடினமான உடற்பயிற்சிகளை அனாயசமாக செய்கிறார். இதைப் பார்க்கும் நமக்கே திக்கென்று இருக்கிறது. காரணம் நம்ம ஊரில் எல்லாம் கர்ப்பமாகி விட்டாலே வெயிட் தூக்காதே அதைச் செய்யாதே இதைச் செய்யாதே என்று பயமுறுத்துபவர்கள்தான் அதிகம். ஆனால் அலெக்ஸ் செய்யும் வேலைகளைப் பார்த்தால் ஆச்சரியமாகத்தான் இருக்கிறது.

வெயிட் தூக்குகிறார்

பெரிய பெரிய வெயிட்டைத் தூக்கி உடற்பயிற்சி செய்கிறார். தனது மேடிட்ட வயிறுக்கு பாதிப்பு வராத வகையில் சிட்டப் செய்கிறார். புல்லப் செய்கிறார். எல்லாமே தனித்து செய்கிறார். துணைக்கு யாரும் அருகில் இல்லை. இதையெல்லாம் அவர் செய்வதைப் பார்க்கும்போது நமக்கே பகீர் என்று இருக்கிறது. ஆனால் உடல் பலத்தை விட அவரிடம் மன பலம் அதிகமாகவே இருக்கிறது என்றுதான் தோன்றுகிறது.

நிறைமாத கர்ப்பம்

இன்னொரு வீடியோவில் அவர் தனது வயிற்றுச் சுமையை சுமந்தபடி கால்பந்தும் ஆடுகிறார். கிளாமர் என்ற மேகசின் தனது டிவிட்டர் பக்கத்தில் அந்த வீடியோவைப் பகிர்ந்துள்ளது. அதில் ஏதோ மைதானத்தில் ஆடுவது போல படு கேஷுவலாக பந்தை உதைத்துத் தள்ளுகிறார் அழகாக. அலெக்ஸ் இன்னும் மன வலிமையுடன் இருப்பதையே இது காட்டுகிறது.

உடல் வலிமை

விளையாட்டு வீரர்கள் வீராங்கனைகளுக்கு நிச்சயம் உடல் வலிமையுடன் மன வலிமையும் அதிமாகவே இருக்கும். அதில் சந்தேகமே இல்லை. அதேசமயம், அலெக்ஸ் போன்றோரின் செயல்கள் நிச்சயம் கர்ப்பிணிகளுக்கு பெரும் தன்னம்பிக்கையே தரவே செய்யும். அந்த வகையில் அலெக்ஸ் மார்கனின் இந்த வீடியோக்கள் நிச்சயம் நல்ல மோட்டிவேஷனாக இருக்கும் என்பதில் சந்தேகமே இல்லை.