சர்வதேச கால்பந்து அணிகளின் புதிய தரவரிசைப் பட்டியல்.. 156 வது இடத்திற்கு தள்ளப்பட்டது இந்திய அணி..

ஜூரிச்: கால்பந்து அணிகளின் புதிய தரவரிசைப் பட்டியலை சர்வதேச கால்பந்து சம்மேளனம் வெளியிட்டுள்ளது. இதில், அர்ஜென்டினா அணி 2 இடங்கள் முன்னேறி முதலிடத்தை பிடித்துள்ளது.

கால்பந்து அணிகளின் புதிய தரவரிசை பட்டியலை பிபா வெளியிட்டது. இதில் 1,473 புள்ளிகளுடன் அர்ஜென்டினா அணி முதலிடத்தை பிடித்துள்ளது. 1,411 புள்ளிகளுடன் ஜெர்மனி 2 வது இடத்தையும், 1,244 புள்ளிகளுடன் பெல்ஜியம் 3 வது இடத்திலும் உள்ளன.

கொலம்பியா 4 வது இடத்திலும், நெதர்லாந்து 5 வது இடத்திலும், பிரேசில் 6 வது இடத்திலும், போர்ச்சுகல் 7 வது இடத்திலும், ருமேனியா 8 வது இடத்திலும், இங்கிலாந்து 9 வது இடத்திலும், வேல்ஸ் 10 வது இடத்திலும் உள்ளன.

கோபா அமெரிக்கா சாம்பியன் சிலி அணி 8 இடங்கள் உயர்ந்து 11 வது இடத்தை பிடித்துள்ளது. இந்திய அணி 15 இடங்கள் சரிந்து 156 வது இடத்திற்கு தள்ளப்பட்டுள்ளது.