FIFA உலககோப்பை: நெதர்லாந்து ரசிகர்கள் இதயம் நொறுங்கியது.. கடைசியில் மேஜிக் செய்த மொராக்கோ

குவாடலூப்: 2026 ஃபிஃபா உலகக் கோப்பை கால்பந்து தொடரின் பரபரப்பான ரவுண்ட் ஆஃப் 32 சுற்றில் நெதர்லாந்து அணியை பெனால்டி ஷூட்-அவுட்டில் வீழ்த்தி மொராக்கோ அணி அசத்தலான வெற்றியைப் பதிவு செய்துள்ளது. குவாடலூப்பில் உள்ள எஸ்டாடியோ பிபிவிஏ மைதானத்தில் நடைபெற்ற இந்த ஆட்டத்தில், ஆட்டநேர முடிவில் இரு அணிகளும் தலா 1-1 என சமநிலை வகித்ததால், வெற்றியாளரைத் தீர்மானிக்க பெனால்டி ஷூட்-அவுட் முறை பயன்படுத்தப்பட்டது.

இதில் 3-2 என்ற கணக்கில் மொராக்கோ அணி வெற்றி பெற்று ரவுண்ட் ஆஃப் 16 சுற்றுக்கு தகுதி பெற்றுள்ளது. போட்டியின் முதல் பாதியில் இரு அணிகளும் தற்காப்பு ஆட்டத்தை வெளிப்படுத்தியதால் கோல் ஏதும் அடிக்கப்படவில்லை. தொடர்ந்து நடைபெற்ற இரண்டாம் பாதியில் ஆட்டத்தின் வேகத்தை இரு அணிகளும் அதிகரித்தன. போட்டியின் 72 ஆவது நிமிடத்தில் நெதர்லாந்து அணியின் சம்மர்வில் கொடுத்த அசிஸ்ட்டை பயன்படுத்தி, கோடி காக்போ மிகச்சிறப்பான முதலாவது கோலை அடித்து நெதர்லாந்து அணியை 1-0 என முன்னிலை பெறச் செய்தார்.

இதனைத் தொடர்ந்து மொராக்கோ அணி ஆட்டத்தை சமன் செய்ய தீவிரமாகப் போராடியது. ஆட்டத்தின் இறுதி நிமிடத்தில் (90-வது நிமிடம்) மொராக்கோ வீரர் தால்பி வீசிய பந்தை, இசா தியோப் ஹெடர் மூலம் கோலாக மாற்றி நெதர்லாந்து ரசிகர்களை அதிர்ச்சியில் ஆழ்த்தினார். இதன் மூலம் ஆட்டம் 1-1 என்ற கணக்கில் சமநிலையை எட்டியது.

FIFA உலககோப்பை: 4 முறை சாம்பியனான ஜெர்மனி வெளியேறியது.. 42 ஆண்டு சாதனையை முடித்த பராகுவே

கூடுதல் நேரம் மற்றும் பெனால்டி ஷூட்-அவுட்

ஆட்டம் சமநிலையானதைத் தொடர்ந்து கூடுதலாக வழங்கப்பட்ட 30 நிமிடங்களிலும் இரு அணிகளும் கோல் அடிக்க எடுத்த முயற்சிகள் பலனளிக்கவில்லை. குறிப்பாக நெதர்லாந்து கோல்கீப்பர் வெர்ப்ரூஜென் மொராக்கோவின் சில மிகச்சிறந்த கோல் முயற்சிகளைத் தடுத்து நிறுத்தினார். இதன் பின்னர் வெற்றியாளரைத் தீர்மானிக்க பெனால்டி ஷூட்-அவுட் முறை கொண்டுவரப்பட்டது.

பெனால்டி ஷூட்-அவுட்டில் நெதர்லாந்து அணி முதலில் களமிறங்கியது. நெதர்லாந்து தரப்பில் கூப்மேனர்ஸ் மற்றும் வெக்ஹோர்ஸ்ட் ஆகியோர் கோல் அடித்தனர். ஆனால் க்ளூயர்ட், டிம்பர் மற்றும் சம்மர்வில் ஆகியோரின் வாய்ப்புகள் வீணாகின. மொராக்கோ அணியின் கோல்கீப்பர் போனோ, சம்மர்வில் அடித்த கடைசி ஷாட்டை அபாரமாகத் தடுத்து நிறுத்தினார். இறுதியாக மொராக்கோவின் சைபாரி கோல் அடித்து அணியை வெற்றிப் பாதைக்கு அழைத்துச் சென்றார்.

FIFA உலககோப்பை: 5 முறை சாம்பியனான பிரேசிலை கதறவிட்ட ஜப்பான்.. கடைசி வரை நடந்த போராட்டம்

பெனால்டி ஷூட்-அவுட் விவரங்கள்

அடுத்த சுற்று விவரம்

இந்த பரபரப்பான வெற்றியைத் தொடர்ந்து மொராக்கோ அணி உலகக் கோப்பையின் ரவுண்ட் ஆஃப் 16 சுற்றுக்கு அதிகாரப்பூர்வமாக முன்னேறியுள்ளது. அடுத்ததாக நடைபெறவுள்ள ரவுண்ட் ஆஃப் 16 போட்டியில் கனடா அணியை மொராக்கோ எதிர்கொள்ளவுள்ளது.