ஃபிபா பைனல்ஸ்: வெற்றியை கொண்டாடிய குட்டி "பிரான்ஸ்".. புதுச்சேரியில் ஆரவாரம்!

Posted By:
பிரான்சின் வெற்றியை கொண்டாடிய குட்டி பிரான்ஸ்

புதுச்சேரி: உலக கோப்பை கால்பந்தாட்ட போட்டியில் பிரான்ஸ் நாடு வெற்றி பெற்றதை தொடர்ந்து குட்டி பிரான்ஸ் என்றழைக்கப்படும் புதுச்சேரியில் வெற்றி கொண்டாட்டங்கள் களைக்கட்டியது.

ஃபிபா உலகக் கோப்பை கால்பந்து போட்டியில் பிரான்ஸ் 4-2 என்ற கணக்கில் குரேஷியாவை வீழ்த்தி பெரிய வெற்றி பெற்றுள்ளது. மக்கள் புத்தாண்டை கொண்டாடுவது போல தங்களது இன்னொரு வீட்டின் வெற்றியை கொண்டாடிக்கொண்டு இருந்தனர்.

பிரான்ஸ் வெற்றி பெற்றதற்கு துணைநிலை ஆளுநர் கிரண்பேடி மற்றும் முதலமைச்சர் நாராயணசாமியும் வாழ்த்து தெரிவித்துள்ளனர்.

குட்டி பிரான்ஸ் புதுச்சேரி

குட்டி பிரான்ஸ் புதுச்சேரி

பிரெஞ்சு ஆதிக்கத்திலிருந்து புதுச்சேரி விடுதலை பெற்றிருந்தாலும், புதுச்சேரியில் தற்போதுவரை அதிகளவு பிரான்ஸ் நாட்டினர் வசித்து வருகின்றனர். புதுச்சேரியில் இன்றளவும் அதிகமாக பிரெஞ்சு கலாச்சாரத்தை பின்பற்றி வருவதால் புதுச்சேரியை குட்டி பிரான்ஸ் என்றே அழைத்து வருகின்றனர்.

திரை

திரை

இந்நிலையில் புதுச்சேரியில் பிரான்ஸ் நாட்டினர் அதிகளவு வசித்து வருவதால் புதுச்சேரி அரசின் சுற்றுலாத்துறை சார்பில் கடற்கரை சாலையில் பிரான்ஸ் மற்றும் குரேஷியா இடையிலான உலகக்கோப்பை கால்பந்து இறுதி ஆட்டம் பெரியத்திரையில் ஒளிபரப்பட்டது. பிரான்ஸ் மக்கள் மட்டுமில்லாமல் தமிழர்களும் இந்த போட்டியை கூட்டமாக கண்டுகளித்தனர்.

பயணிகள்

பயணிகள்

இப்போட்டியினை புதுச்சேரி மக்கள் மட்டுமின்றி ஆயிரக்கணக்கான வெளி மாநில, வெளிநாட்டு சுற்றுலா பயணிகளும் கண்டு ரசித்தனர். மேலும் பொதுமக்களுடன் சேர்ந்து புதுச்சேரி மாநில முதல்வர் நாராயணசாமி, சுற்றுலாத்துறை அமைச்சர் மல்லாடி கிருஷ்ணாராவ் ஆகியோரும் கண்டு ரசித்தனர்.

பெரிய கொண்டாட்டம்

பெரிய கொண்டாட்டம்

இறுதியாக 4-2 என்ற புள்ளி கணக்கில் பிரான்ஸ் அணி சாம்பியன் பட்டம் வென்றதையடுத்து புதுச்சேரி கடற்கரை சாலையில் கூடியிருந்தவர்கள் அனைவரும் உற்சாக கொண்டாட்டத்தில் ஈடுபட்டனர். இதனால் கடற்கரை சாலையில் எங்கு பார்த்தாலும் வெற்றி கொண்டாட்டங்களாக காணப்பட்டது.

முதல்வர்

முதல்வர்

இந்த வெற்றி குறித்து முதலமைச்சர் நாராயணசாமி கூறுகையில், உலக கோப்பை கால்பந்தாட்ட போட்டியில் பிரான்ஸ் வெற்றி பெற்றது மகிழ்ச்சியளிப்பதாகவும், புதுச்சேரியும் - பிரான்ஸ்சும் வெவ்வேறல்ல. இது புதுச்சேரிக்கு கிடைத்த வெற்றி என்றார். இதேபோல் துணைநிலை ஆளுநர் கிரண்பேடியும் தனது வாட்ஸ்அப் பக்கத்தில் பிரான்ஸ் வெற்றி பெற்றதற்கு வாழ்த்து தெரிவித்துள்ளார்.

நன்றி: ராஜேஷ்வரி

For Quick Alerts
ALLOW NOTIFICATIONS
For Daily Alerts

    மைகேலில் பேன்டசி கால்பந்து விளையாடுங்க.. தினசரி பரிசு வெல்லுங்க.. உங்க நண்பர்களையும் சவாலுக்கு கூப்பிடுங்க!

    English summary
    FIFA WORLD CUP FINAL: Puducherry celebrates its very own France victory in its unique way.
    Story first published: Monday, July 16, 2018, 9:28 [IST]
    Other articles published on Jul 16, 2018
    + மேலும்
    POLLS

    myKhel பிரேக்கிங் அலர்ட்டுகளைப் பெற

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more