அர்ஜென்டினாவுக்கு ஆட்டம் காட்டிய ஈரான்.. ரசிகர்கள் உற்சாகக் கொண்டாட்டம்

அந்த பெனால்டி மட்டும் கிடைத்திருந்தால்

அதேசமயம், ஈரான் அணிக்கு கிடைத்திருக்க வேண்டிய பெனால்டி வாய்ப்பு மயிரிழையில் தவறிப் போனதாகவும், அதை நடுவர்கள் கொடுக்காமல் விட்டு விட்டதாகவும் ஈரான் ரசிகர்கள் புலம்புகின்றனர்.

திருட்டிட்டாங்க பாஸு…

இதுகுறித்து அதியா என்ற ரசிகர் கூறுகையில், அஷ்கன் டெஜாகாவை, அர்ஜென்டினா வீரர் பாப்லோ சபலேடா பெனால்டி பாக்ஸ் பகுதியில் வைத்து கீழே தள்ளி விட்டார். ஆனால் எங்களுக்குப் பெனால்டி தரப்படவில்லை. கொடுத்திருந்தால் கோல் ஆக்கியிருப்பார்கள் எங்களது அணியினர் என்றார்.

சூப்பர் ஆட்டம்

ஈசான் என்ற இன்னொரு ரசிகர் கூறுகையில், எங்களது அணியினர் அபாரமாக ஆடினார்கள். அர்ஜென்டினா உலகின் மிகப் பெரிய அணிகளில் ஒன்று. அப்படிப்பட்ட அணிக்கு ஆட்டம் காட்டுவது என்பது மிகப் பெரிய விஷயம். அதை நாங்கள் செய்து விட்டோம் என்றார் உற்சாகத்துடன்.

90 நிமிடப் போராடம்.. மெஸ்ஸி மேஜிக்

கிட்டத்தட்ட 90 நிமிட ஆட்டத்தில் ஈரான் ஆடிய ஆட்டத்தால் அர்ஜென்டினாவால் ஒரு கோல் கூட போட முடியவில்லை. கடைசி நேரத்தில் மெஸ்ஸி மேஜிக் நிகழ்ந்து ஈரானியர்களை சோர்வடைய வைத்து விட்டது.

ஊர் ஊராக கொண்டாட்டம்

ஈரான் வீழ்ந்த போதிலும் அர்ஜென்டினாவை நெருக்கடிக்குள்ளாக்கியதை பல ரசிகர்கள் ஈரான் நகரங்களில் கார்களில் வலம் வந்தும் தேசியக் கொடிகளைக் காட்டியும் குதூகலித்தனர்.