உலக கோப்பை கால்பந்து போட்டி- பயணத்திற்கு தயாராகும் கோவாவின் அரசியல் தலைவர்கள்

89 லட்சம் செலவில் பயணம்:

அப்படிப்பட்ட ஒரு நிகழ்வை பார்த்து ரசிக்க கோவாவின் அமைச்சர்கள் மற்றும் எம்.எல்.ஏக்களும் தயாராகி வருகின்றனர்.அதுமட்டுமல்ல அவர்களுக்காக கிட்டதட்ட 89 லட்சத்தை செலவு செய்ய தயாராக உள்ளது கோவா அரசு.

ஆறு, மூணும் ஒன்பது:

இந்த மாதம் கோவாவில் இருந்து 6 எம்.எல்.ஏக்கள், 3 அமைச்சர்கள் பிரேசிலுக்கு கிளம்ப மூட்டை, முடிச்சுகளை தயார் செய்து விட்டனர்.

அமைச்சர்கள் பட்டியல்:

இந்தப் பட்டியலின்படி, ஃபிஃபா உலககோப்பை கால்பந்திற்காக கோவாவின் விளையாட்டுத்துறை அமைச்சர் ரமேஷ் தவாட்கர், மீன்வளத்துறை அமைச்சர் அவெர்டனோ ஃபுர்டாடோ, மின்சாரத்துறை அமைச்சர் மிலிந் நாயக் ஆகிய 3 பேர் பயணிக்கின்றனர்.

எம்.எல்.ஏக்கள் பட்டியல்:

வாஸ்கோ எம்.எல்.ஏ கரோல்ஸ் அல்மெய்டா, வெலிம் எம்.எல்.ஏ பெஞ்சமின் சில்வா, அல்டோனா எம்.எல்.ஏ கிளென் டிக்ளோ ஆகியோர் பிரதிநிதிகளாகச் செல்கின்றனர்.

தவாட்கரின் முதல் பயணம்:

இதுதான் கோவா விளையாட்டுத்துறை அமைச்சர் தவாட்கரின் முதல் அதிகாரபூர்வ வெளிநாட்டுப்பயணம் ஆகும்.இந்த குழுவானது ஜூலை 4 மற்றும் ஜூலை 5இல் நடைபெறும் முதல் மற்றும் இரண்டாவது காலிறுதிச்சுற்றைக் காண உள்ளனர்.

போட்டிகளின் விவரங்கள்:

இவை முறையே ரியோ டி ஜெனெரியோ மற்றும் எஸ்டாடியோ காஸ்டேலியோ ஆகிய இடங்களில் நடக்க இருக்கின்றன.மேலும், ஜூலை 8 மற்றும் ஜூலை 9 இல் நடக்க இருக்கும் அரையிறுதிச் சுற்றுகளையும் பார்வையிட உள்ளனர்.இவை முறையே எஸ்டாடியோ மற்றும் சாவோ பாவ்லோவில் நடைபெற உள்ளது குறிப்பிடத்தக்கது.