ஃபிபா உலகக் கோப்பை... பிரம்மாண்ட துவக்க விழா... யார் யார் கலந்து கொள்கிறார்கள் தெரியுமா!

ஃபிபா ...பிரம்மாண்ட துவக்க விழா..யார் யார் கலந்து கொள்கிறார்கள் தெரியுமா! -வீடியோ

சென்னை:21வது ஃபிபா உலகக் கோப்பை கால்பந்து போட்டிகள் ரஷ்யாவில் 14ல் துவங்கி, ஜூலை 15 வரை நடக்கிறது. கால்பந்து விளையாட்டின் மிகப் பெரிய திருவிழாவான உலகக் கோப்பை கொண்டாட்டங்களுக்கு ரஷ்யா தயாராகி வருகிறது.

21வது ஃபிபா உலகக் கோப்பை கால்பந்து போட்டிகள் ரஷ்யாவில் நடக்கின்றன. இந்த உலகக் கோப்பையில் 32 நாடுகள் பங்கேற்கின்றன. கோப்பையை வெல்வதற்காக அனைத்து அணிகளும் தயாராகி வருகின்றன.

இந்த 32 நாடுகளும் தலா 4 அணிகள் என, 8 பிரிவுகளாக பிரிக்கப்பட்டுள்ளன. ஒவ்வொரு பிரிவிலும் முதலிரண்டு இடங்களைப் பிடிக்கும் அணிகள் அடுத்ததாக நடைபெறும் நாக் அவுட் சுற்றில் விளையாடும்.

2014ல் நடந்த உலகக் கோப்பையில் பங்கேற்ற நடப்பு சாம்பியன் ஜெர்மனி உள்பட 20 நாடுகள் இந்த உலகக் கோப்பைக்கு தகுதி பெற்றுள்ளன. பல்வேறு நிலைகளில் நடத்தப்பட்ட தகுதிச் சுற்று ஆட்டங்களில் வென்று, 31 அணிகள் உலகக் கோப்பைக்கு நுழைந்துள்ளன. போட்டியை நடத்துவதால் ரஷ்யா நேரடியாக தகுதி பெற்றுள்ளது.

 முதல் ஆட்டத்தில் ரஷ்யா

முதல் ஆட்டத்தில் ரஷ்யா

ஜெர்மனி அல்லது பிரேசில் இந்த உலகக் கோப்பையை வெல்லும் அணிகளாக கருதப்படுகின்றன. அதே நேரத்தில் அர்ஜென்டீனா, ஸ்பெயின், பெல்ஜியம் போன்ற அணிகளுக்கும் வாய்ப்பு உள்ளதாகக் கருதப்படுகிறது. மாஸ்கோவில் உள்ள லுஸ்னிகி மைதானத்தில் 14ம் தேதி நடக்கும் முதல் ஆட்டத்தில் போட்டியை நடத்தும் ரஷ்யாவும், சவுதி அரேபியாவும் மோதுகின்றன. இந்திய நேரப்படி இரவு 8.30க்கு இந்த ஆட்டம் துவங்குகிறது.

 கண்கவர் நிகழ்ச்சிகள்

கண்கவர் நிகழ்ச்சிகள்

அதற்கு ஒரு மணி நேரத்துக்கு முன்பாக பிரம்மாண்ட துவக்க விழாவுக்கு ஏற்பாடு செய்யப்பட்டுள்ளது. இதில் முதலில் 500 உள்நாட்டு கலைஞர்களின் கலை நிகழ்ச்சிகள் நடக்கின்றன. நடனம், இசை, ரஷ்யாவில் பிரபலமான டிரம்போலின் கலைஞர்களின் கண்கவர் நிகழ்ச்சிகள் நடக்க உள்ளன.

 நேரடி ஒளிபரப்பு

நேரடி ஒளிபரப்பு

இந்த துவக்க விழா மற்றும் முதல் போட்டியைப் பார்ப்பதற்கு மைதானத்தில் 80 ஆயிரம் பேர் குவிவார்கள் என்று எதிர்பார்க்கப்படுகிறது. அதைத் தவிர உலகெங்கும் நேரடியாக ஒளிபரப்பாகும் துவக்க விழா மற்றும் துவக்க விழாவை, கோடிக் கணக்கான மக்கள் பார்ப்பார்கள் என்று எதிர்பார்க்கப்படுகிரது.

 ரொனால்டோ பங்கேற்பு

ரொனால்டோ பங்கேற்பு

உலகப் புகழ்பெற்ற இசைக் கலைஞர் ரோபி வில்லியம்ஸ் இசை நிகழ்ச்சியுடன் விழா துவங்குகிறது. பிரபல ரஷ்ய இசைக் கலைஞர் அய்டா கரிபுலினாவின் நிகழ்ச்சி அடுத்து நடக்கிறது. வீரர்கள் சார்பில் இரண்டு முறை உலகக் கோப்பையை வென்ற பிரேசிலின் ரொனல்டோ துவக்க விழாவில் பங்கேற்கிறார். பிரபல ஹாலிவுட் நடிகர் வில் ஸ்மித், நிக்கி ஜாம் ஆகியோர், லிவ் இட் அப் என்ற உலகக் கோப்பை பாடலை பாடுகின்றனர். இதைத் தவிர துவக்க விழாவில் பல்வேறு நிழ்ச்சிகள் நடத்தப்பட உள்ளன.

For Quick Alerts
Subscribe Now
For Quick Alerts
ALLOW NOTIFICATIONS
For Daily Alerts

    மைகேலில் பேன்டசி கால்பந்து விளையாடுங்க.. தினசரி பரிசு வெல்லுங்க.. உங்க நண்பர்களையும் சவாலுக்கு கூப்பிடுங்க!

    English summary
    Grand opening ceremony ahead of fifa world cup planned.
    Story first published: Tuesday, June 12, 2018, 10:45 [IST]
    Other articles published on Jun 12, 2018
    இந்தியாவின் மாபெரும் அரசியல் கருத்துக் கணிப்பு.. நீங்கள் பங்கேற்றீர்களா?
    + மேலும்
    POLLS

    myKhel பிரேக்கிங் அலர்ட்டுகளைப் பெற

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more