ஃபிபா உலகக் கோப்பை... பிரம்மாண்ட துவக்க விழா... யார் யார் கலந்து கொள்கிறார்கள் தெரியுமா!

முதல் ஆட்டத்தில் ரஷ்யா

ஜெர்மனி அல்லது பிரேசில் இந்த உலகக் கோப்பையை வெல்லும் அணிகளாக கருதப்படுகின்றன. அதே நேரத்தில் அர்ஜென்டீனா, ஸ்பெயின், பெல்ஜியம் போன்ற அணிகளுக்கும் வாய்ப்பு உள்ளதாகக் கருதப்படுகிறது. மாஸ்கோவில் உள்ள லுஸ்னிகி மைதானத்தில் 14ம் தேதி நடக்கும் முதல் ஆட்டத்தில் போட்டியை நடத்தும் ரஷ்யாவும், சவுதி அரேபியாவும் மோதுகின்றன. இந்திய நேரப்படி இரவு 8.30க்கு இந்த ஆட்டம் துவங்குகிறது.

கண்கவர் நிகழ்ச்சிகள்

அதற்கு ஒரு மணி நேரத்துக்கு முன்பாக பிரம்மாண்ட துவக்க விழாவுக்கு ஏற்பாடு செய்யப்பட்டுள்ளது. இதில் முதலில் 500 உள்நாட்டு கலைஞர்களின் கலை நிகழ்ச்சிகள் நடக்கின்றன. நடனம், இசை, ரஷ்யாவில் பிரபலமான டிரம்போலின் கலைஞர்களின் கண்கவர் நிகழ்ச்சிகள் நடக்க உள்ளன.

நேரடி ஒளிபரப்பு

இந்த துவக்க விழா மற்றும் முதல் போட்டியைப் பார்ப்பதற்கு மைதானத்தில் 80 ஆயிரம் பேர் குவிவார்கள் என்று எதிர்பார்க்கப்படுகிறது. அதைத் தவிர உலகெங்கும் நேரடியாக ஒளிபரப்பாகும் துவக்க விழா மற்றும் துவக்க விழாவை, கோடிக் கணக்கான மக்கள் பார்ப்பார்கள் என்று எதிர்பார்க்கப்படுகிரது.

ரொனால்டோ பங்கேற்பு

உலகப் புகழ்பெற்ற இசைக் கலைஞர் ரோபி வில்லியம்ஸ் இசை நிகழ்ச்சியுடன் விழா துவங்குகிறது. பிரபல ரஷ்ய இசைக் கலைஞர் அய்டா கரிபுலினாவின் நிகழ்ச்சி அடுத்து நடக்கிறது. வீரர்கள் சார்பில் இரண்டு முறை உலகக் கோப்பையை வென்ற பிரேசிலின் ரொனல்டோ துவக்க விழாவில் பங்கேற்கிறார். பிரபல ஹாலிவுட் நடிகர் வில் ஸ்மித், நிக்கி ஜாம் ஆகியோர், லிவ் இட் அப் என்ற உலகக் கோப்பை பாடலை பாடுகின்றனர். இதைத் தவிர துவக்க விழாவில் பல்வேறு நிழ்ச்சிகள் நடத்தப்பட உள்ளன.