மாரடோனாவானார் மெஸ்ஸி... நாக் அவுட் முன்னேறியது அர்ஜென்டினா!

கோல் அடிக்கவில்லை

மிகவும் எதிர்பார்க்கப்பட்ட அர்ஜென்டினாவின் மெஸ்ஸி, பிரேசிலின் நெய்மர், எகிப்தின் சலா ஆகியோர் ஏமாற்றத்தையே தந்துள்ளனர். ரொனால்டோ இதுவரை நான்கு கோல்களை அடித்துள்ளார். நெய்மர் மற்றும் சலா தலா ஒரு கோல் அடித்துள்ளனர். முதல் இரண்டு ஆட்டங்களில் கோலடிக்காத மெஸ்ஸி, லீக் சுற்றின் கடைசி ஆட்டத்தில் கோலடித்தார்.

முதல் கோல் அடித்தார்

நைஜீரியாவுக்கு எதிரான ஆட்டத்தில் வென்றால் தான் நாக் அவுட் சுற்றுக்கு முன்னேற முடியும் என்ற நிலையில் 14வது நிமிடத்தில் அபாரமாக கோலடித்தார் மெஸ்ஸி. அதுவே அர்ஜென்டினா வெற்றிப் பெறுவதற்கு காரணமாக அமைந்தது. இதுவரை 17 ஆட்டங்களில் 5 கோல்களை அடித்துள்ளார். இன்று 6வது கோலை அடித்தார். 2006ல் ஒரு கோலும், 2014ல் நான்கு கோலும் அடித்தார்.

அசத்தும் அர்ஜென்டினா

இந்த உலகக் கோப்பையையும் சேர்த்து 17வது முறையாக உலகக் கோப்பை போட்டிகளில் விளையாடுகிறது அர்ஜென்டினா. அதில் 1978 மற்றும் 1986ல் சாம்பியனானது. 1930, 1990, 2014ல் பைனல் வரை நுழைந்து இரண்டாவது இடத்தைப் பிடித்தது.

மேஜிக் தொடரும்

2006, 2010, 2014 மற்றும் 2018 உலகக் கோப்பைகளில் பங்கேற்றுள்ள மெஸ்ஸி, 2014ல் நடந்த உலகக் கோப்பையில் சிறந்த வீரருக்கான விருதைப் பெற்றார். அதை தற்போது மீண்டும் நிரூபித்துள்ளார். அர்ஜென்டினாவை அடுத்தச் சுற்றுக்கு அழைத்துச் சென்றுள்ளார் மெஸ்ஸி. அடுத்து நடைபெறும் ஆட்டங்களில் மெஸ்ஸியின் மேஜிக்கை ரசிகர்கள் நிச்சயம் எதிர்பார்க்கலாம்.