ISL 2018 : அப்பாடா!! 2வது வெற்றி கிடைச்சுடுச்சு!! புனே அணி வெற்றி.. தொடரும் கேரளா சோகம்

கொச்சி : ஐஎஸ்எல் தொடரில் கேரளா பிளாஸ்டர்ஸ் அணியை 1 - 0 என்ற கோல் கணக்கில் புனே சிட்டி அணி வென்றது

ஹீரோ ஐஎஸ்எல் கால்பந்து தொடரில் நடைபெற்ற போட்டியில் கேரளா பிளாஸ்டர்ஸ் - புனே சிட்டி அணிகள் மோதின. நடப்பு சீசனின் 51வது போட்டி கேரள மாநிலம் கொச்சியில் உள்ள ஜவஹர்லால் நேரு அரங்கில் நடைபெற்றது. நடப்பு சீசனில் இரு அணிகளுமே புள்ளிகள் பட்டியலில் பின் தங்கியிருந்த நிலையில் இப்போட்டி நடந்தது.

ISL 2018 - Kerala Blasters FC lost to FC Pune City full match report

கேரளா பிளாஸ்டர்ஸ் அணி 10 போட்டிகளில் ஆடி 9 புள்ளிகளுடன் 7வது இடத்தில் இருந்தது. புனே சிட்டி அணி 5 புள்ளிகளுடன் 9வது இடத்தில் இருந்தது. இரு அணிகளுமே இதற்கு முந்தைய போட்டிகளில் ஒரே ஒரு வெற்றியை மட்டுமே ஈட்டியிருந்தன.

இந்நிலையில் போட்டி தொடங்கியது. இரு அணிகளுமே ஏறக்குறை சம வலிமை பெற்றிருந்ததால் ஆட்டம் விறுவிறுப்புடன் நடந்தது. இரு தரப்புமே பந்தை மாறிமாறி தங்கள் வசப்படுத்தி எதிர்த்தரப்பு வலைப்பகுதியை முற்றுகையிட்டன. ஆட்டத்தின் முதல் மஞ்சள் அட்டையை புனே வீரர் சர்தக் கொலுய் பெற்றார்.

இதைத் தொடர்ந்து 20வது நிமிடத்தில் ஆட்டத்தின் முதல் திருப்பம் கிடைத்தது. சக வீரர்கள் கடத்தி தந்த பந்தை புனே அணியின் மார்சிலனோ அபார கோலாக மாற்றினார். இதையடுத்து 1 - 0 என்ற கோல் கணக்கில் புனே அணி முன்னிலை பெற்றது.

ISL 2018 - Kerala Blasters FC lost to FC Pune City full match report

முதல் பாதியின் தொடக்கத்தில் கேரள வீரர்கள் நேர்த்தியாக ஆடினாலும் ஒரு கோல் வாங்கிய பின் அவர்கள் ஆட்டத்தில் பதற்றத்தை காண முடிந்தது. அதே சமயம் புனே அணியின் தடுப்பாட்டம் பிரமாதமாக இருந்தது.

2வது பாதியில் கேரள வீரர்கள் ஆட்டத்தில் வேகத்தை கூட்டினர். இதன் பலனாக 2 கோல் வாய்ப்புகள் உருவாகின. ஆனால் துரதிர்ஷ்டவசமாக அவை கோலாக மாறவில்லை. கேரள வீரர்கள் எவ்வளவோ முயன்றும் புனே வீரர்கள் அரண் போல் நின்று கோல் விழாமல் தற்காத்தனர்.

இன்ஜுரி டைமில் கூட புனே கீப்பர் கமல்ஜித் மின்னல் வேகத்தில் பாய்ந்து ஒரு கோலை தடுத்தார். இறுதியில் 1 - 0 என்ற கோல் கணக்கில் புனே வெற்றி பெற்றது. நடப்பு ஐஎஸ்எல் தொடரில் புனே பெறும் 2வது வெற்றி இதுவாகும்.

(Photos Courtesy - ISL)

For Quick Alerts
ALLOW NOTIFICATIONS
For Daily Alerts

    மைகேலில் பேன்டசி கால்பந்து விளையாடுங்க.. தினசரி பரிசு வெல்லுங்க.. உங்க நண்பர்களையும் சவாலுக்கு கூப்பிடுங்க!

    English summary
    ISL 2018 - Kerala Blasters FC lost to FC Pune City full match report
    Story first published: Saturday, December 8, 2018, 12:10 [IST]
    Other articles published on Dec 8, 2018
    + மேலும்
    POLLS

    myKhel பிரேக்கிங் அலர்ட்டுகளைப் பெற

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more