ISL 2019 : கோல் மழை பொழிந்த கோவா!! அரையிறுதியில் மும்பையை வீழ்த்தி அபார வெற்றி!!

மும்பை : ஹீரோ இந்தியன் சூப்பர் லீக் அரையிறுதிப் போட்டியின் இரண்டாவது லீக் கால்பந்து ஆட்டத்தில் கோவா அணி 5 - 1 என்ற கோல் கணக்கில் மும்பை அணியை வீழ்த்தி அபார வெற்றி பெற்றது.

5வது சீசன் ஹீரோ இந்தியன் சூப்பர் லீக் அரையிறுதிப் போட்டியின் இரண்டாவது லீக் கால்பந்து போட்டி மும்பையில் உள்ள அரினா அரங்கில் மும்பை சிட்டி எஃப்சி அணிக்கும் எஃப்சி கோவா அணிக்கும், இடையே நடைபெற்றது. ஆட்டம் சரியாக 7.30 க்கு தொடங்கியது. டாஸ் வென்ற மும்பை அணி இடது புறம் இருந்து ஆட்டத்தை தொடங்கியது.

ஆட்டத்தின் தொடக்கம் முதலே இரு அணிகளும் மிகச் சிறப்பாக விளையாடின. ஆட்டத்தின் 18 ஆவது நிமிடத்தில் மும்பை அணியின் ரஃபேலுக்கு மஞ்சள் அட்டை காண்பிக்கப்பட்டது. ஆட்டத்தின் 20 ஆவது நிமிடத்தில் மும்பை அணியின் ரஃபேல் அற்புதமாக ஒரு கோல் அடித்தார்.

இதையடுத்து ஆட்டத்தின் 25 ஆவது நிமிடத்தில் மும்பை அணியின் ஜாய்னருக்கு மஞ்சள் அட்டை காண்பிக்கப்பட்டது.

பின்னர் ஆட்டத்தின் 31 ஆவது நிமிடத்தில் கோவா அணியின் ஜாக்கிசந்த் சிங் ஒரு கோல் அடித்தார். இதையடுத்து ஆட்டத்தின 39 ஆவது நிமிடத்தில் கோவா அணியின் மௌர்டாடா ஒரு கோல் அடித்தார்.

இதனைத் தொடர்ந்து இரு அணிகளுக்கும் கூடுதலாக 2 நிமிடங்கள் வழங்கப்பட்டன. அந்த இரண்டு நிமிடங்களில் இரு அணிகளுமே கோல் எதுவுமே அடிக்கவில்லை. இதையடுத்து முதல் பாதி ஆட்டத்தில் கோவா அணி 2 - 1 என்ற கோல் கணக்கில் முன்னிலை பெற்றது.

இதைத் தொடர்ந்து ஆட்டத்தின் இரண்டாவது பாதி தொடங்கியது. ஆட்டம் தொடங்கிய உடன் 51 ஆவது நிமிடத்தில் கோவா அணியின் ஃபெரான் கொராமினாஸ் ஒரு கோல் அடித்து அசத்தினார்.

பின்னர் ஆட்டத்தின் 58 ஆவது நிமிடத்தில் கோவா அணியின் மௌர்டாடா மீண்டும் ஒரு கோல் அடித்தார். 63 ஆவது நிமிடத்தில் மும்பை அணியின் அர்னால்டுக்கு மஞ்சள் அட்டை காண்பிக்கப்பட்டது.

இதைத் தொடர்ந்து ஆட்டத்தின் 69 ஆவது நிமிடத்தில் மும்பை அணியில் இரு மாற்றங்கள் செய்யப்பட்டன. 75 ஆவது நிமிடத்தில் கோவா அணியின் அகமத் மாற்றப்பட்டு ஹீயுகோ களம் இறக்கப்பட்டார்.

இதையடுத்து ஆட்டத்தின் 82 நிமிடத்தில் கோவா அணியின் பிராண்டன் ஃபெர்ணாண்டஸ் ஒரு கோல் அடித்தார். பின்னர் இரு அணிகளுக்கும் 5 நிமிடங்கள் கூடுதலாக வழங்கப்பட்டது. அந்த 5 நிமிடத்திலும் இரு அணிகளும் கோல் எதுவும் அடிக்கவில்லை.

இதையடுத்து கோவா அணி 5 - 1 என்ற கோல் கணக்கில் மும்பை அணியை வீழ்த்தி அபார வெற்றி பெற்றது.

(Photos Courtesy - ISL)