FIFA உலககோப்பை 2026: பைனலில் அர்ஜென்டினா தோல்வி.. கண்ணீர் விட்டு மைதானத்திலேயே அழுத மெஸ்ஸி

நியூயார்க்: ஃபிஃபா உலகக் கோப்பை கால்பந்து தொடரின் இறுதிப் போட்டியில் அர்ஜென்டினாவின் நடப்பு சாம்பியன் கனவை ஸ்பெயின் அணி தகர்த்ததையடுத்து, லியோனல் மெஸ்ஸி கண்ணீர் விட்டு அழுதார். இது உலகக் கோப்பை அரங்கில் அவரது கடைசிப் போட்டியாக இருக்கக்கூடும் என்பதால், அவரது ரசிகர்கள் மத்தியில் இந்தத் தோல்வி பெரும் சோகத்தை ஏற்படுத்தியுள்ளது.

கூடுதல் நேரத்தில் ஸ்பெயின் அணி 1-0 என்ற கோல் கணக்கில் அர்ஜென்டினாவை வீழ்த்தி உலகக் கோப்பையை வென்றது. இறுதி விசிலுக்குப் பிறகு, அர்ஜென்டினாவின் பட்டத்தைத் தக்கவைத்துக் கொள்ளும் கனவு கலைந்ததால், கால்பந்து நாயகன் லியோனல் மெஸ்ஸி மைதானத்திலேயே உடைந்து அழுதார்.

கால்பந்து உலகில் சாதிக்கக்கூடிய அனைத்துப் பட்டங்களையும் வென்றுள்ள மெஸ்ஸிக்கு, இது மிகவும் துரதிர்ஷ்டவசமான ஒரு முடிவாக அமைந்தது. கூடுதல் நேரத்தில் ஸ்பெயின் வீரர் ஃபெரான் டோரஸ் அடித்த கோல் இரு அணிகளுக்கும் இடையிலான வெற்றியைத் தீர்மானித்தது. ஸ்பெயின் அணி தனது இரண்டாவது உலகக் கோப்பை மகுடத்தைக் கொண்டாடியபோது, மெஸ்ஸி விரக்தியுடன் மைதானத்தில் நின்று கொண்டிருந்தார்.

இந்தப் போட்டியில் அர்ஜென்டினா அணி தனது வழக்கமான அதிரடி ஆட்டத்தை வெளிப்படுத்த முழுமையாகத் தவறியது. ஸ்பெயின் அணியின் கடுமையான டிக்கி டாக்கா தற்காப்பு ஆட்டம் அர்ஜென்டினாவின் தாக்குதல்களை முற்றிலுமாக முடக்கியது. இதனால், இத்தொடரின் அதிக கோல் அடித்த அணியான அர்ஜென்டினாவால் ஸ்பெயினின் தற்காப்பை மீறி செயல்பட முடியவில்லை.

போட்டியின் பெரும்பாலான நேரத்தில் அர்ஜென்டினா அணியால் இலக்கை நோக்கி ஒரு கோல் கூட அடிக்க முடியவில்லை. கூடுதல் நேரத்தின் இறுதி நிமிடங்களில், மெஸ்ஸி கொடுத்த சாதுரியமான பாஸை மார்கோஸ் செனேசி கோலாக மாற்ற முயன்றார், ஆனால் ஸ்பெயின் அணி அதனைத் தடுத்து அர்ஜென்டினாவின் கடைசி முயற்சியையும் முறியடித்தது.

போட்டி முழுவதும் ஸ்பெயின் வீரர்கள் மெஸ்ஸியைத் தங்களது கடுமையான தற்காப்பு வளையத்திற்குள் வைத்திருந்ததால், அவரால் தனித்துச் செயல்பட முடியவில்லை. இறுதி விசில் ஒலித்ததும், 39 வயதான மெஸ்ஸியால் தனது உணர்ச்சிகளைக் கட்டுப்படுத்த முடியவில்லை.

மீண்டும் ஒரு உலகக் கோப்பை இறுதிப் போட்டியில் தோற்ற வலியும், அர்ஜென்டினாவின் சாம்பியன் பட்டத்தைத் தக்கவைக்க முடியவில்லையே என்ற ஏமாற்றம் அவருக்கு மிகப் பெரிய வலியை தந்தது. அதுமட்டும் இல்லாமல் 39 வயதான மெஸ்ஸிக்கு, இதுவே தனது கடைசிப் போட்டியாக இருக்கலாம் என்றும் அஞ்சப்படுகிறது.