லிவர்பூல் அணியின் அடுத்த பயிற்சியாளர் யார்? அறிவியல்பூர்வமான தேடல் ஆரம்பம்

லண்டன் : லிவர்பூல் அணியின் பயிற்சியாளர் ஜூர்கன் க்ளோப்பின் விலகிய நிலையில், அடுத்த பயிற்சியாளருக்கான நம்பமுடியாத தேடல் இன்னும் ஆரம்ப நிலையில் உள்ளது. அவர் விலகிய பின் பொதுவெளியிலும், தனிப்பட்ட முறையிலும் பல்வேறு பயிற்சியாளர்களை பலரும் பரிந்துரை செய்துள்ளனர்.

முன்னாள் ரெட்ஸ் மிட்ஃபீல்டரான பேயர் லெவர்குசன் அணியின் சாபி அலோன்சோ, அதில் முக்கியமான பரிந்துரையாக இருக்கிறார். அதைத் தொடர்ந்து பிரைட்டனின் ராபர்டோ டி ஜெர்பி மற்றும் ஸ்போர்ட்டிங்கின் ரூபன் அமோரிம் உள்ளனர்.

இருப்பினும், லிவர்பூல் அணி 2015இல் க்ளோப்பை நியமித்ததைப் போலவே, ஒரு விஞ்ஞான அணுகுமுறையில் அடுத்த பயிற்சியாளரை தேர்வு செய்ய உள்ளனர். அதை லிவர்பூல் எவ்வாறு மேற்கொள்ளும் என்பது குறித்து பார்க்கலாம்.

2010 இல் லிவர்பூல் கிளப்பை வாங்கியதில் இருந்து, ஃபென்வே ஸ்போர்ட்ஸ் குழு எப்போதும் தரவுகளுடன் தான் முடிவுகளை எடுத்து வருகிறது. இந்த அமெரிக்க உரிமையாளர்கள் தங்கள் விளையாட்டு அணிகளின் பல அம்சங்களுக்கு ஒரு பகுப்பாய்வு மாதிரியைத் வகுத்து இருக்கின்றனர். குறிப்பாக அவர்களின் டிரன்ஸ்ஃபர் கொள்கைகள் தொடர்பாக, அவர்களின் பாஸ்டன் ரெட் சாக்ஸ் பேஸ்பால் அணியை ஒரு முன்னோடியாக கொண்டுள்ளனர். இது குறித்து பேசுகையில், "நாங்கள் ஒரு கால்பந்து கிளப்பாக செயல்படும் விதம் என்பது நாங்கள் அனைத்து தகவல்களையும், எல்லா தரவையும் பார்த்து, எங்கள் சரியான விடாமுயற்சியை செய்வதில் தான் உள்ளது. அதன் பின்னர் நாங்கள் முடிவெடுப்போம்" என்று தலைமை நிர்வாகி பில்லி ஹோகன் கூறினார்.

2012 முதல் தரவுத் துறையில் முக்கிய நபரான இயன் கார்டன் ஆராய்ச்சி இயக்குநராக இருந்து விலகிய பின் துகள் இயற்பியலில் ஹார்வர்ட் பிஎச்டி பட்டதாரியான வில் ஸ்பியர்மேன் கடந்த ஆண்டு அந்த பணிக்கு நியமிக்கப்பட்டார்.

FSG தலைவர் மைக் கார்டன், லிவர்பூல் அணி நிர்வாகத்துக்கும், பயிற்சியாளர் க்ளோப்புகும் இடையே அட்லாண்டிக் பாலமாக இருந்தவர். சீசனின் முடிவில் தான் வெளியேறப் போவதாக க்ளோப்பிடமிருந்து தொலைபேசி அழைப்பு அவருக்கு தான் முதலில் வந்தது. பிரெண்டன் ரோட்ஜெர்ஸ் பதவி நீக்கம் செய்யப்பட்ட பிறகு, க்ளோப்பை அடையாளம் காணவும் அவரை தொடர்ந்து பயிற்சியாளராக பணியாற்ற வைக்கவும் வழிநடத்தியவர் கோர்டன். அவர் இப்போது மீண்டும் பயிற்சியாளரை நியமிப்பதில் முக்கிய பங்கை மீண்டும் பெற்றுள்ளார். MLB அணியான சிகாகோ கப்ஸ் மற்றும் ரெட் சாக்ஸின் முன்னாள் பயிற்சியாளரான தியோ எப்ஸ்டீன், FSG இல் மூத்த ஆலோசகராக சேர்ந்துள்ளார், இவர் ஹோகனும் அடுத்த பயிற்சியாளரை நியமிக்க ஆலோசனையில் ஈடுபடலாம் என கூறப்படுகிறது.