19 கோல் வாய்ப்பு கிடைத்தும் வேஸ்ட்.. தொடர் தோல்வியால் மனம் துவண்ட ஸ்வான்சீ பயிற்சியாளர்

பிளைமவுத் : இங்கிலீஷ் ஃபுட்பால் லீக் தொடரில் ஸ்வான்சீ அணியின் தலைமைப் பயிற்சியாளர் லூக் வில்லியம்ஸ், பிளைமவுத்திடம் 1-0 என்ற கோல் கணக்கில் சாம்பியன்ஷிப்பில் தோல்வியடைந்தது குறித்து பேட்டியில் தன் விரக்தியை வெளிப்படுத்தினார்.

பிளைமவுத் அணியின் மோர்கன் விட்டேக்கர் போட்டி துவங்கிய 18வது நிமிடத்தில் ஆட்டத்தின் ஒரே கோலை அடித்தார். அவரது கடைசி 10 போட்டிகளில் இது அவரது ஒன்பதாவது கோல் ஆகும். தன் அணியை தோல்வியின்றி ஆறு போட்டிகளில் வெற்றி பெறச் செய்து இருக்கிறார் மோர்கன்.

தொடர்ச்சியாக சாம்பியன்ஷிப் தொடரில் பெற்று வரும் தோல்விகள் காரணமாக ஸ்வான்சீ தலைமை பயிற்சியாளர் லூக் வில்லியம்ஸ் விரக்தியில் இருக்கிறார். அவர் பொறுப்பேற்றதிலிருந்து அந்த அணி இன்னும் முதல் லீக் போட்டி வெற்றியை பெறவில்லை.

இதனால் ஸ்வான்சீ அணி தொடரில் இருந்து வெளியேறும் நிலையில் உள்ளது. இது பற்றி லூக் வில்லியம்ஸ் பேசுகையில், "நாங்கள் நல்ல வாய்ப்புகளை கோல்களாக மாற்றவில்லை என்பதில் நான் விரக்தியடைந்தேன். நீங்கள் 19 கோல் வாய்ப்புகளை உருவாக்கி, அவற்றில் குறைந்தது நான்கு வாய்ப்புகளை ஆறு கஜம் தூரத்தில் பெற்ற போதும், போட்டியில் வெற்றி பெறவில்லை என்றால் எந்த சாக்கு போக்கும் கூற முடியாது." என்றார்.

"அந்த வாய்ப்புகளில் என்ன தவறு? எனக்கு தெரிந்து எந்த தவறுமில்லை. வெறும் கவனம் மற்றும் செயலை சரியாக முடித்தல் ஆகியவற்றை செய்தால் கால்பந்து விளையாட்டில் வெற்றி பெறலாம். நாங்கள் ஒரு கோல் விட்டுக் கொடுத்தோம். அந்த பந்தை தூரத்தில் இருந்து முன்னே அடித்த போது கவனத்தை தவற விட்டோம். விட்டேக்கர் கார்னருக்கு செல்லும் ஷாட்டை அடித்தார். பின்னர், அது ஒரு நல்ல ஷாட்" என்றார் லூக் வில்லியம்ஸ். .

"எங்கள் அணியின் ரொனால்டுக்கு குறைந்தபட்சம் ஒரு உதவி கூட கிடைக்கவில்லை என்பது நியாயமற்றது. அவரது பங்கு என்ன என்பதை நாங்கள் தெளிவுபடுத்த முயற்சித்தோம். பயிற்சி ஆடுகளத்தில் விளக்கமளிக்க எங்களிடம் சில வீரர்கள் உள்ளனர், அவர் தனது சுய ஆட்டத்தை ஆடவோ அல்லது காட்டிக்கொள்ளவோ முயற்சிக்கவில்லை என்பதால் நான் மிகவும் மகிழ்ச்சியடைகிறேன்." என்றார் வில்லியம்ஸ்.

மேலும், "அவர் போட்டியில் சிறப்பாக விளையாட முயற்சித்தார் - நான் அவரை விளையாடச் சொன்னேன் - மிகவும் ஆற்றல், பின்னால் பல ஓட்டங்கள் ஓடினார். பல வீரர்கள் அதைச் செய்ய விரும்பவில்லை, ஏனெனில் இது கடினமாக உள்ளது, நீங்கள் தொடர்ந்து வேகமாகச் செல்ல வேண்டும், பின்னர் நீங்கள் வேறு ஒருவருக்கு பந்தை வழங்க வேண்டும். அவர் ஸ்ட்ரைக்கருக்கு கோல் அடிக்கும் வாய்ப்பை வழங்க வேண்டும் என்று நான் விரும்புகிறேன். நான் அவர் செயல்பாட்டில் மகிழ்ச்சியாக இருக்கிறேன்." என்றார் லூக் வில்லியம்ஸ்.