27, 49, 86.. கோல்னா இதுதான் கோல்.. யுவண்டசை சாம்பியன்ஸ் லீக் காலிறுதிக்கு அழைத்து சென்ற ரொனால்டோ

27வது நிமிடத்தில் கோல்

ஆட்டத்தின் 27வது நிமிடத்தில், யுவண்டஸ் அணியின் கிறிஸ்டியானோ ரொனால்டோ அசத்தலாக ஒரு கோல் அடித்தார். அந்த அற்புத கோலை எதிர்பார்க்காத அட்லெடிக்கோ மாட்ரிட் அணி அதிர்ச்சி அடைந்தது.

தூள் பறந்த ஆதிக்கம்

அதைத் தொடர்ந்து, இரண்டாவது பாதி ஆட்டம் தொடங்கியது. அதிலும் ரொனால்டோவின் ஆதிக்கம் தூள் பறந்தது.

கோல்கள் அடித்து அசத்தல்

ரொனால்டோ 49 வது நிமிடத்தில் ஒரு கோலும், 86 வது நிமிடத்தில் பெனால்டி முறையில் கோல் அடித்து அசத்தினார். இதன்மூலம் யுவண்டஸ் அணி 3க்கு 0 என்ற கணக்கில் அட்லெட்டிக்கோ அணியை வீழ்த்தி காலிறுதிப்போட்டிக்கு தகுதி பெற்றது.

கோல் மழை

ரொனால்டோ 8வது முறையாக சாம்பியன்ஸ் லீக் தொடரில் ஹாட்ரிக் கோல் அடித்துள்ளார். முன்னதாக ரியல் மேட்ரிட் அணியில் விளையாடி வந்த ரொனால்டோவை 117 மில்லியன் அமெரிக்க டாலர்கள் கொடுத்து யுவண்டஸ் அணி வாங்கியது. அவர், யுவண்டஸ் அணிக்காக இதுவரை 36 போட்டிகளில் 22 கோல்களை அடித்துள்ளார்.