பரபரப்பான தருணம்.... அபாரமாக கோலை தடுத்தார்.... ரஷ்யாவின் ஹீரோவான இகோர் அகின்பீப்!

வாய்ப்பை தவறவிட்டது

இறுதியில் பெனால்டி ஷூட்அவுட் கொடுக்கப்பட்டது. அதில் ஸ்பெயினின் ஆன்ட்ரே இனியஸ்டா, ஜெரார்ட் பிக், செர்ஜியோ ராமோஸ் ஆகியோர் கோலடித்தனர். கோகோ, ஆஸ்பாஸ் ஆகியோர் கோலடிக்கும் வாய்ப்பை தவறவிட்டனர்.

ரஷ்யாவுக்கு வெற்றி

ரஷ்யாவின் பெடார் ஸ்மோலோவ், செர்ஜி இக்னஷேவிச், அலெக்சாண்டர் கோலோவின், டெனிஸ் செரிஷெவ் ஆகியோர் ஷூட்அவுட்டில் கோலடித்தனர். அதையடுத்து 4-3 என பெனால்டி ஷூட்அவுட்டில் வென்று, ரஷ்யா முதல் முறையாக காலிறுதிக்கு முன்னேறியது. ரஷ்யா முதல் முறையாக ஷூட்அவுட்டை சந்தித்தது குறிப்பிடத்தக்கது.

கலக்கினார் கோல்கீப்பர்

ரஷ்ய கேப்டன் இகோர் அகின்பீப் சரியாக கணித்து, ஸ்பெயினின் இரண்டு பெனால்டி ஷூட்அவுட் வாய்ப்புகள் கோலாவதை தடுத்து நிறுத்தினார். இதுவே ரஷ்யாவின் வெற்றிக்கு முக்கிய காரணமாகும். மேலும் ஆட்டத்தின்போதும், ஸ்பெயின் கோல் வாய்ப்புகளை அவர் தடுத்து நிறுத்தினார். தற்போது ரஷ்யாவின் ஹீரோவாகியுள்ளார் அகின்பீப்.

ஸ்பெயின் மோசம்

ஆட்டம் நடந்த 120 நிமிடங்களில் பந்து பெரும்பாலும் ஸ்பெயினிடம் இருந்தபோதும், அந்த அணி ஏதோ ஒரு காட்சிப் போட்டியில் விளையாடுவதுபோல் விளையாடியது. கோலடிக்கும் அதன் ஒவ்வொரு முயற்சியையும் ரஷ்யா தனது தடுப்பாட்டத்தால் தடுத்து நிறுத்தியது. மிகப் பெரிய அணிகள் ஏற்கனவே வெளியேறியுள்ள நிலையில், கோப்பையை வெல்வதற்கான முயற்சியில் ஈடுபட்டிருக்க வேண்டிய ஸ்பெயின், மிகவும் சாதாரணமாக விளையாடியது. 120 நிமிட நேர ஆட்டத்தில் ரஷ்யாவை தவிர்த்து பார்த்தால், மிகவும் போரடிக்கக் கூடியதாகவே இந்த ஆட்டம் அமைந்தது.