208 நாடுகள் போட்டி
இந்த உலகக் கோப்பைக்கான தகுதிச் சுற்று ஆட்டங்களில் 2015ல் துவங்கியது. ரஷ்யாவைத் தவிர பிபாவில் உறுப்பினர்களாக உள்ள 208 நாடுகளும் தகுதிச் சுற்றில் பங்கேற்றன. ஜிம்பாப்வே, இந்தோனேஷியா ஆகியவை தகுதிச் சுற்றில் விளையாடுவதற்கு பிபா அனுமதி அளிக்கவில்லை. அதே நேரத்தில் கடைசியாக உறுப்பினர்களாக சேர்ந்த கிப்ரடார் மற்றும் கொசாவா ஆகியவை தகுதிச் சுற்றில் விளையாடின.
தகுதி பெற்ற நாடுகள்
உலகெங்கும் உள்ள 5 கால்பந்து கூட்டமைப்புகள் நடத்திய தகுதிச் சுற்று ஆட்டங்களில் வென்று 31 நாடுகள் உலகக் கோப்பைக்கு முன்னேறன. ஆனால் மிகவும் புகழ்பெற்ற நான்கு முறை சாம்பியனான இத்தாலி, மூன்று முறை இரண்டாவது இடத்தைப் பிடித்த நெதர்லாந்து ஆகியவை உலகக் கோப்பைக்கு தகுதி பெறவில்லை.
ஐரோப்பா ஆதிக்கம்
இந்த உலகக் கோப்பையில் ஐரோப்பாவைச் சேர்ந்த 14 நாடுகள் விளையாடுகின்றன. ஆசியாவில் இருந்து 5, ஆப்பிரிக்காவில் இருந்து 5, தென் அமெரிக்காவில் இருந்து 5, வட அமெரிக்காவில் இருந்து 3 நாடுகள் உலகக் கோப்பைக்கு தகுதி பெற்றுள்ளன.
விளையாடுவது யார்
ஆசியாவில் இருந்து ஆஸ்திரேலியா, ஈரான், ஜப்பான், சவுதி அரேபியா, தென் கொரியா தகுதி பெற்றுள்ளன. ஆப்பிரிக்காவில் இருந்து எகிப்து, மொராக்கோ, நைஜீரிய, செனகல், துனீஷியா தகுதி பெற்றுள்ளன வட அமெரிக்காவில் இருந்து கோஸ்டாரிகா, மெக்சிகோ, பனாமா மற்றும் தென் அமெரிக்காவில் இருந்து அர்ஜென்டீனா, பிரேசில் கொலம்பியா, பெரு, உருகுவே ஆகியவை தகுதி பெற்றுள்ளன.
ஐரோப்பாவில் இருந்து போட்டியை நடத்தும் ரஷ்யா, பெல்ஜியம், குரேஷியா, டென்மார்க், இங்கிலாந்து, பிரான்ஸ், ஜெர்மனி, ஐஸ்லாந்து, போலந்து, போர்ச்சுகல், செர்பியா, ஸ்பெயின், ஸ்வீடன், சுவிட்சர்லாந்து ஆகியவை தகுதி பெற்றன.