டாகா: ஆசிய சாம்பியன்ஸ் ஹாக்கி தொடர் வங்கதேச தலைநகர் டாகாவில் நடைபெற்று வருகிறது
ரவுண்ட் ராபின் முறையில் நடைபெற்ற லீக் சுற்றில் கொரியாவுடன் டிரா செய்த இந்திய அணி, வங்கதேசம்,ஜப்பான், பாகிஸ்தானை வீழ்த்தியது.
இதன் மூலம் அரையிறுதியில் ஜப்பானை இந்தியா எதிர்கொண்டது.லீக் சுற்றில் 6க்கு0 என்ற கோல் கணக்கில் இந்தியா வென்றது.
இதனால், ஓவர் உத்வேகத்துடன் அரையிறுதியில் ஜப்பானை எதிர்கொண்டது இந்திய அணி. ஆனால் ஜப்பான் அணி வீரர்கள் இந்தியாவுக்கு அதிர்ச்சி வைத்தியம் அளித்தனர். ஆட்டத்தின் முதல் 15 நிமிடத்திலேயே ஜப்பான் அணி வீரர்கள் 2 கோல் அடித்து முன்னிலை பெற்றனர்
ஆட்டத்தின் 2வது பகுதியில் இந்திய வீரர் ஹர்திக் ஒரு கோல் அடித்தார். அதன் பின் கிடைத்த பெனால்டி கார்னர் வாய்ப்பை இந்தியா வீணடிக்க, ஜப்பான் தங்களுக்கு கிடைத்த பெனால்டி ஸ்டேராக் வாய்ப்பை கோலாக மாற்றினர். இதனையடுத்து ஸ்கோர் 3க்கு1 என்ற கணக்கில் ஆனது
இதனைத் தொடர்ந்து ஜப்பான் வீரர்கள் ஆதிக்கம் செலுத்தி அடுத்தடுத்து 2 கோல் அடிக்க, இறுதியில் இந்திய அணி 2 கோல் அடித்தது. இதனால் ஜப்பான் அணி 5க்கு3 என்ற கோல் கணக்கில் வென்றது. தரவரிசையில் 17வது இடத்தில்இருந்த ஜப்பான் அணியுடன் இந்தியா அதிர்ச்சி தோல்வியை தழுவியது. தற்போது இந்திய அணி 3வது இடத்திற்கு பாகிஸ்தானை எதிர்கொள்கிறது.
ஒரு இடத்திற்கு அடித்துக்கொள்ளும் 4 வீரர்கள்.. இந்திய ப்ளேயிங் 11-ஐ தேர்வு செய்வதில் பெரும் குழப்பம்!