உலக கோப்பை ஹாக்கி -கெத்து காட்டிய ஓடிசா மக்கள்..2வது நாளில் வென்ற அணிகள்.. நாளை இந்தியா இங்கி. மோதல்

நியூசி vs சிலி

குரூப் சி யில் நியூசிலாந்து அணியும் சிலி அணியும் மோதின. இந்த ஆட்டத்தில் நியூசிலாந்து வீரர்கள் அதிரடியாக விளையாடி மூன்று கோல்களை அடித்தனர். ஆனால் சிலி அணியால் ஒரு கோல் மட்டுமே அடிக்க முடிந்தது. இதன் காரணமாக மூன்றுக்கு ஒன்று என்ற கணக்கில் நியூசிலாந்து அணி வெற்றி பெற்றது.இதனைத் தொடர்ந்து நெதர்லாந்து அணியும் மலேசியா அணிகளும் பல பயிற்சி நடத்தின.

நெதர்லாந்J vs மலேசியா

போட்டி தொடங்கியதில் இருந்தே நெதர்லாந்து வீரர்கள் ஆதிக்கம் செலுத்தினர். இதனை கட்டுப்படுத்த முடியாமல் மலேசியா வீரர்கள் திணறினர். இறுதியில் நெதர்லாந்து அணி நான்குக்கு பூஜ்ஜியம் என்ற கோல் கணக்கில் வெற்றி பெற்றது. இதன் பிறகு நடப்பு சாம்பியன் ஆன பெல்ஜியம் அணி தனது முதல் லீக் ஆட்டத்தில் தென்கொரியாவை எதிர்கொண்டது.

பெல்ஜியம் vs கொரியா

விறுவிறுப்பான இந்த ஆட்டத்தில் பெல்ஜியம் அணி ஏன் உலக சாம்பியன் ஆக இருக்கிறது என்பதை காட்டியது. ரசிகர்களுக்கு விருந்து படைத்த இந்த ஆட்டத்தில் ஐந்துக்கு பூஜ்ஜியம் என்ற கோல் கணக்கில் பெல்ஜியம் அணி வெற்றி பெற்றது. இதனைத் தொடர்ந்து ஜெர்மனியும் ஜப்பான் அணியும் மோதின.இதில் ஜெர்மனிய அணி மூன்றுக்கு பூஜ்ஜியம் என்ற கோல் கணக்கில் வெற்றி பெற்றது.

இந்தியா vs இங்கிலாந்து

நாளை இந்திய அணி இங்கிலாந்தை எதிர்கொள்கிறது. இந்த போட்டி இந்திய நேரப்படி மாலை 7 மணிக்கு நடைபெறுகிறது. இங்கிலாந்து அணி வீழ்த்துவது அவ்வளவு எளிதாக இந்தியாவுக்கு இருக்காது. வெலஸ் அணியிடம் இங்கிலாந்து அணி அபாரமாக வெற்றி பெற்றது. இந்தியாவை பொறுத்தவரை ஸ்பைனை வீழ்த்திய உத்வேகத்துடன் களமிறங்குகிறது. இந்த போட்டியில் இந்திய அணி வெற்றி பெற்றால் அடுத்த சுற்றுக்கு செல்லும் வாய்ப்பு பிரகாசமாக இருக்கும்.