லண்டன்: உலக ஹாக்கி லீக் அரையிறுதிச் சுற்று தொடரில் இந்திய அணி, கனடா 3-0 என்ற கணக்கில் வீழ்த்தியது.
உலக ஹாக்கி லீக் அரையிறுதிச் சுற்று தொடர் லண்டனில் நடைபெற்று வருகிறது. இதில் பி பிரிவில் இடம் பெற்றுள்ள இந்திய அணி, தனது 2வது லீக் ஆட்டத்தில் கனடாவை எதிர்கொண்டது.
ஆரம்பம் முதலே இந்திய அணி ஆதிக்கம் செலுத்தியது. எஸ்.வி சுனில், ஆகாஷ்தீப் சிங், சர்தார் சிங் ஆகியோர் முதல் பாதியிலேயே தலா ஒரு கோல் அடித்தனர். இதனால், 3-0 என்ற கணக்கில் இந்தியா முன்னிலை வகித்தது. கனடா அணி இறுதி வரை கோல் அடிக்க முடியாமல் திணறியது. இதையடுத்து இந்தியா 3-0 என்ற கணக்கில் வெற்றி பெற்றது.
இதனைத் தொடர்ந்து நாளை நடக்கும் போட்டியில் பாகிஸ்தானுடன், இந்தியா பலப்பரீட்சை நடத்துகிறது. அதனைத் தொடர்ந்து வரும் 20 ஆம் தேதி நடக்கும் போட்டியில், நெதர்லாந்து அணியுடன் இந்தியா மோத உள்ளது. முன்னதாக முதல் போட்டியில் இந்திய அணி, 4-1 என்ற கோல் கணக்கில் ஸ்காட்லாந்தை வீழ்த்தியது குறிப்பிடத்தக்கது.