சக் தே இந்தியா..!! ஜூனியர் உலகக் கோப்பை ஹாக்கி அரையிறுதியில் இந்தியா..!

அதிரடி

இதனையடுத்து இந்திய வீரர்கள் , பெல்ஜியம் முன் கள வரிசை வீரர்களை குறி வைத்து, அவர்களின் அதிரடி ஆட்டத்திற்கு பதிலடி தந்தனர். ஆட்டத்தின் 13வது நிமிடத்தில் பெல்ஜியம் வீரர் தியாபு அடித்த கோல் வாய்ப்பை, இந்திய கோல் கீப்பர் பிரசாந்த் சவுகான் தடுத்தார்.இதே போன்று அடுத்த சில நிமிடங்களில் இந்திய வீரர் உத்தம் சிங், அடித்த கோல் வாய்ப்பை, பெல்ஜியம் கோல் கீப்பர் போரிஸ் தடுத்தார்.

கோல்

இதனைத் தொடர்ந்து ஆட்டத்தின் 21வது நிமிடத்தில் இந்தியாவுக்கு பெனால்டி கார்னர் வாய்ப்பு கிடைக்க, அதனை இந்திய வீரர் திவாரி கோலாக மாற்றினார். இதனை சமன் செய்ய பெல்ஜியம் வீரர்கள் போராடியும் பலன் அளிக்கவில்லை. குறிப்பாக 26வது நிமிடத்தில் கிடைத்த கோல் வாய்ப்பை பெல்ஜியம் வீணடித்தது.

வெற்றி

இதே போன்று 50வது நிமிடத்தில் கிடைத்த பெனால்டி கார்னர் வாய்ப்பை, இந்தியாவின் 2வது கோல் கீப்பர் பவன் அபாரமாக தடுத்தார். இதன் மூலம் 1க்கு0 என்ற கோல் கணக்கில் இந்திய அணி வெற்றி பெற்றது. ஜூனியர் உலகக் கோப்பை ஹாக்கி தொடரில் பெல்ஜியத்திடம் இந்தியா வீழ்ந்ததே இல்லை என்ற சாதனை தொடர்கிறது.

மற்ற ஆட்டங்கள்

இதேனிடையே, மற்றொரு காலிறுதி ஆட்டத்தில் ஸ்பெயின் அணியை பெனால்டி முறையில் 3க்கு1 என்ற கணக்கில் ஜெர்மனி அணி வென்றது. மற்றொரு காலிறுதியில் மலேசியாவை 4க்கு 0 என்ற கணக்கில் பிரான்சும், நெதர்லாந்தை 2க்கு1 என்ற கணக்கில் அர்ஜென்டினாவும் வென்றது. அரையிறுதி ஆட்டத்தில் பலம் வாய்ந்த ஜெர்மனியை இந்தியா எதிர்கொள்கிறது.