ஆசிய கோப்பை ஹாக்கி போட்டி... இந்தியா 8 கோல் போட்டு அதிரடி வெற்றி

ஈப்போ: மலேசியாவில் நடைபெற்று வரும் ஆசிய கோப்பை ஹாக்கி போட்டியில் ஓமனுக்கு எதிராக இந்திய அணி 8 கோல்களை அடித்து அபார வெற்றியைப் பெற்றது.

ஆசிய கோப்பை ஹாக்கி போட்டி மலேசியாவில் நடைபெற்று வருகிறது. இன்றைய முதல் போட்டியில் இந்தியாவும் ஓமனும் மோதின.

இதில் இந்தியா 8 கோல்கள் அடித்தது. ஆனால் ஓமன் அணியால் ஒரு கோல் போட முடியவில்லை. இதனால் இந்தியா 8-0 என்ற கோல் கணக்கில் அபார வெற்றி பெற்றது. 2 வது போட்டியில் பாகிஸ்தான்-ஜப்பானும் 3 வது போட்டியில் மலேசியா-சீன தைபேவும் மோதுகின்றன.