கடைசி நொடி வரை திக்.. திக்.. இம்மியளவு கேப்பில் வென்ற தீபிகா குமாரி - சஸ்பென்ஸின் உச்சக்கட்டம்

11 தங்கம்

இன்றைய நிலவரப்படி, ஜப்பான் தங்கம் 11, வெள்ளி 4, வெண்கலம் 5 என மொத்தம் 20 பதக்கங்களுடன் முதலிடத்தில் உள்ளது. அமெரிக்கா தங்கம் 10 வெள்ளி 10, வெண்கலம் 9 என மொத்தம் 29 பதக்கங்களுடன் 2வது இடத்தில் உள்ளது. சீனா தங்கம் 10, வெள்ளி 5, வெண்கலம் 8 என மொத்தம் 23 பதக்கங்களுடன் 3வது இடத்தில் உள்ளது. ரஷ்யா 7 தங்கம், 8 வெள்ளி, 4 வெண்கலம் என மொத்தம் 19 பதக்கங்களுடன் 4 வது இடத்தில் உள்ளது.

முதல் செட்டில் தோல்வி

இந்நிலையில், இன்று நடந்த பெண்கள் வில்வித்தைப் போட்டியில், இந்தியாவின் தீபிகா குமாரி த்ரில் வெற்றிப் பெற்றுள்ளார். 1/16 வெளியேற்றுதல் பிரிவில் அமெரிக்காவின் Jennifer Mucino-Fernandez-ஐ தீபிகா எதிர்கொண்டார். இதில், முதல் செட்டில் 25 - 26 என்ற கணக்கில் தீபிகா தோல்வி அடைந்தார்.

கம்பேக்

இதையடுத்து நடந்த இரண்டாவது சுற்றில், 28 - 25 என்று வலிமையான கம்பேக் கொடுத்து தீபிகா வென்றார். பிறகு 3வது சுற்றிலும் தீபிகா 27-25 என்ற கணக்கில் வென்றார். இதனால், 4-2 என்ற கணக்கில் தீபிகா முன்னிலை வகித்தார். பிறகு பரபரப்பாக நடந்த 4வது சுற்றில் 24 - 25 என்று ஜெனிஃபர் வென்றார்.

3வது சுற்றுக்கு முன்னேற்றம்

வெற்றியை தீர்மானிக்கும் 5வது மற்றும் இறுதி செட்டில் 26 - 25 என்று தீபிகா வெற்றிப் பெற, 6 - 4 என்ற கணக்கில் வென்று, 1/8 வெளியேற்றுதல் சுற்றுக்கு தகுதிப் பெற்றார். இன்று புதன்கிழமை இந்தியா பங்கேற்ற போட்டிகளில், குத்துச்சண்டையில் பூஜா ராணி வெற்றிக்கு பிறகு, நடந்த அற்புதமான நிகழ்வு என்றால் அது தீபிகா குமாரியின் அற்புதமான வில்வித்தை போட்டிகள் தான்.