போட்டியில் தோற்றாலும்.. வாழ்க்கையில் ஜெயிச்சாச்சு - ஒலிம்பிக்கில் அரங்கேறிய "காதல்" கண்ணாமூச்சி

வீராங்கனை மீது காதல்

இந்நிலையில், ஒலிம்பிக் தொடரில் நடந்தேறிய இந்த சம்பவம் ரசிகர்களிடையே பெரும் வரவேற்பைப் பெற்றுள்ளது. ஏதோ போட்டி தொடர்பான சாதனைன்னு நினைச்சுடாதீங்க.. லவ் மேட்டர் இது. தனது காதலை ஒருவர் எங்கு வந்து வெளிப்படுத்தி இருக்கிறார் பாருங்க. அதுவும் ஒரு வீராங்கனையிடம்.

பெரும் ஏமாற்றம்

ஆம்! அர்ஜென்டினா அணியின் Fencing வீராங்கனை Maria Belen Perez Maurice கடந்த ஜுலை 26ம் தேதி நடந்த போட்டியில், ஹங்கேரியின் அன்னா மார்ட்டன் என்பவரிடம் தோல்வி அடைந்து ஒலிம்பிக்கில் இருந்து வெளியேறினார். எப்படியும் ஜெயித்துவிடலாம் என்று நம்பிக்கையுடன் இருந்த மரியாவுக்கு இந்த தோல்வி பெரும் ஏமாற்றமாக அமைந்தது.

கட்டியணைத்து முத்தம்

எனினும், போட்டி முடிந்த பிறகு அவர் செய்தியாளர்களின் கேள்விக்கு பதில் அளித்துக் கொண்டிருந்தார். அப்போது அவர் பின்னால் நின்றிருந்த ஒருவர், கையில் பதாகை ஒன்றை வைத்து, அதில் ஏதோ எழுதி நின்றுக் கொண்டிருக்க, திருதிருவென முழித்த கேமராமேன், "கொஞ்சம் பின்னாடி திரும்பி பாருங்க மேடம்" என்று சொல்ல, ஒன்றும் புரியாமல் திரும்பிய மரியா ஒரு நொடி திகைத்து நிற்க, பிறகு நிதானத்துக்கு வந்து, பதாகை வைத்திருந்த நபரை கட்டியணைத்து முத்தமிட்டார்.

திருமணம் செய்ய தயாரா?

பிறகு தான் விஷயமே தெரிந்தது. அந்த நபர் மரியாவின் Fencing பயிற்சியாளர் என்று. இருவரும் 17 ஆண்டுகளாக காதலித்து வந்திருக்கின்றனர். இப்போது இந்த ஒலிம்பிக் தொடரில், மரியா தோல்வி அடைந்தாலும், இனிமேலும் தாமதிக்கக் கூடாது என்று, "என்னை திருமணம் செய்து கொள்ள தயாரா?" என்று அந்த பதாகையை எழுதி, Marriage Proposal கொடுத்திருக்கிறார்.

வாழ்த்துக்கள்

அதற்கு மரியா அந்த நொடியே "எஸ்" என்று பதில் அளித்து முத்தத்தை பகிர்ந்து கொள்ள, தோல்வி மறந்து, சோகம் மறந்து அந்த இடமே கலகலப்பானது. அடுத்த வருஷம் திருமதி. மரியாவா வந்து மெடலை தட்டிச் செல்ல இப்போதே வாழ்த்துகளை தெரிவித்து விடைபெறுவோம்.