0.01 வினாடியில் த்ரில் வெற்றி.. 200 மீ ஓட்டத்தில் ஹரிதா பத்ரா வெண்கலம்.. ஆசிய விளையாட்டில் பதக்கம்

நகோயா: ஜப்பானில் நடைபெற்று வரும் 2026 ஆசிய விளையாட்டுப் போட்டியின் தடகளப் பிரிவில், பெண்களுக்கான 200 மீட்டர் ஓட்டப்பந்தயத்தின் இறுதிப் போட்டியில், இந்திய வீராங்கனை ஹரிதா பத்ரா வெண்கலப் பதக்கம் வென்று புதிய சாதனை படைத்துள்ளார். ஞாயிற்றுக்கிழமை நடைபெற்ற இந்த இறுதிப் போட்டியில், இந்தியா சார்பில் 23 வயதான ஹரிதா பத்ரா மற்றும் உன்னதி அய்யப்பா பொல்லண்ட் பங்கேற்றனர்.

இதில் ஹரிதா பந்தய தூரத்தை 23.20 வினாடிகளில் கடந்து 3-வது இடத்தைப் பிடித்தார். பந்தயத்தின் கடைசி நொடியில் தனது முழு வேகத்தையும் வெளிப்படுத்தி மின்னல் போல பாய்ந்த ஹரிதா, ஜப்பான் வீராங்கனையை வெறும் 0.01 வினாடி வித்தியாசத்தில் பின்னுக்குத் தள்ளி வெண்கலப் பதக்கத்தை வசப்படுத்தினார். சிங்கப்பூர் வீராங்கனை வெரோனிகா சாந்தி பெரைரா 22.78 வினாடிகளில் இலக்கை எட்டி தங்கப் பதக்கத்தைக் கைப்பற்றினார்.

இப்போட்டியில் களமிறங்கிய மற்றொரு இந்திய வீராங்கனையான உன்னதி அய்யப்பா பொல்லண்ட், 23.46 வினாடிகளில் பந்தயத்தை முடித்து 6-வது இடத்தைப் பிடித்தார். தான் பதக்கத்தை தவறவிட்ட போதிலும், எல்லைக் கோட்டைத் தொட்ட அடுத்த கணமே உன்னதி ஓடிவந்து வெண்கலம் வென்ற ஹரிதாவை கட்டித்தழுவி தனது வாழ்த்துகளைத் தெரிவித்தார். சக இந்திய வீராங்கனையின் வெற்றியை களத்தில் கொண்டாடிய இந்த நெகிழ்ச்சியான தருணம் ரசிகர்களின் இதயங்களை வென்றது.

அசாருதீனின் 28 ஆண்டு கால சாதனை காலி.. முதல் போட்டியிலேயே புதிய வரலாறு படைத்த விராட் கோலி

கடைசி நேரத்தில் அசாத்திய வேகத்தை வெளிப்படுத்தி ஹரிதா பத்ரா வென்ற இந்த வெண்கலப் பதக்கம், ஆசிய விளையாட்டு தடகள அரங்கில் இந்தியாவின் பதக்க எண்ணிக்கையை மேலும் உயர்த்தியுள்ளது.