பார்ரா... ஓட்டத்திற்கு மத்தியில் போஸ் கொடுக்கவெல்லாம் உசேன் போல்ட்டுக்கு நேரமிருக்கே!

ரியோ டி ஜெனீரோ: மில்லியன் டாலர் படம் இது. இந்தப் படம் இப்போது வைரல் ஆகப் பரவி வருகிறது. 100 மீட்டப் போட்டியில் ஜமைக்காவின் மின்னல் வீரர் உசேன் போல்ட் பங்கேற்று வெற்றிக் கோட்டை நெருங்கியபோது எடுக்கப்பட்ட படம் இது.

வெற்றிக் கோட்டை நெருங்கிய நிலையில் தனக்குப் பக்கத்தில் ஓடி வந்த வீரர்களைத் திரும்பிப் பார்த்தபடி விரைகிறார் போல்ட். அப்போது எடுக்கப்பட்ட படம்தான் இது. இந்தப் படத்தை எடுத்தவர் கேமராமேன் கேமரூன் ஸ்பென்சர். தனது டிவிட்டர் பக்கத்தில் இந்தப் படத்தைப் போட்டுள்ளார் கேமரூன்.

ஒலிம்பிக்கில் 100 மீட்டர் ஓட்டத்தில் 3வது முறையாக போல்ட் தங்கம் வென்ற ஓட்டம் இது. ஒலிம்பிக் வரலாற்றில் இப்படி தொடர்ந்து மூன்று முறை 100 மீட்டர் ஓட்டத்தில் தங்கம் வெல்வது முதல் முறையாகும்.