"மிஷன் வந்தே மாதரம்" எவரெஸ்ட் சிகரத்தை எட்டி சாதனை படைக்கத் தயாராகும் BSF பெண் மலையேற்ற வீரர்கள்

இந்திய எல்லைப் பாதுகாப்புப் படை (BSF) தனது வைர விழாவை (Diamond Jubilee Year) மிகக் கோலாகலமாகக் கொண்டாடி வருகிறது. 1965ஆம் ஆண்டு தொடங்கப்பட்ட இந்த வீரமிக்கப் படை, நாட்டின் பாதுகாப்பிற்காகப் பல்லற்ற தியாகங்களையும், வீர வரலாற்றையும் படைத்துள்ளது.

தற்போது பிஎஸ்எஃப்-இன் வைர விழா கொண்டாட்டத்தின் ஒரு பகுதியாகவும், இந்தியாவின் தேசியப் பாடலான "வந்தே மாதரம்" உருவானதன் 150ஆவது ஆண்டை நினைவு கூரும் வகையிலும், பிஎஸ்எஃப்-இன் அனைத்துப் பெண்களைக் கொண்ட மலையேற்றக் குழு, எவரெஸ்ட் சிகரத்தை நோக்கிய வரலாற்றுச் சிறப்புமிக்க பயணத்தைத் தொடங்கியுள்ளது. இத்திட்டத்திற்கு "மிஷன் வந்தே மாதரம்" (Mission Vande Mataram) என்று பெயரிடப்பட்டுள்ளது.

மலையேற்றத்தின் முக்கிய நோக்கம்

எல்லைப் பாதுகாப்புப் படையின் இந்த மைல்கல் முயற்சி, தேசியப் பெருமிதம், பெண் சக்தி (நாரி சக்தி வந்தன்) மற்றும் சாகச மனப்பான்மையை மேம்படுத்துவதை நோக்கமாகக் கொண்டுள்ளது. பிஎஸ்எஃப் வரலாற்றிலேயே அனைத்துப் பெண்களைக் கொண்ட ஒரு குழு எவரெஸ்ட் சிகரத்தை எட்ட முயற்சிப்பது இதுவே முதல் முறையாகும். இந்த வரலாற்றுச் சாதனைக்கு மேலும் தேசபக்தி சேர்க்கும் வகையில், உலகின் மிக உயர்ந்த சிகரமான எவரெஸ்ட்டின் உச்சியில் இருந்து இந்த வீராங்கனைகள் "வந்தே மாதரம்" பாடலைப் பாடத் திட்டமிட்டுள்ளனர்.

MS Dhoni: சிஎஸ்கே அணியுடன் கருத்து வேறுபாடு.. தோனி அணியை விட்டு விலக முடிவு என தகவல்

சாதிக்கத் துடிக்கும் வீராங்கனைகள்

இந்த பிஎஸ்எஃப் எவரெஸ்ட் குழுவில், நாட்டின் பல்வேறு பகுதிகளைச் சேர்ந்த எளிய பின்னணியைக் கொண்ட நான்கு வீராங்கனைகள் இடம் பெற்றுள்ளனர்:

• கௌசர் பாத்திமா (M/Ct Kouser Fatima) - லடாக்

• முன்முன் கோஷ் (M/Ct Munmun Ghosh) - மேற்கு வங்கம்

• ரபேகா சிங் (M/Ct Rabeka Singh) - உத்தரகாண்ட்

• செரிங் சோரோல் (M/Ct Tsering Chorol) - லடாக்/கார்கில்

மன உறுதி, ஒழுக்கம், அர்ப்பணிப்பு மற்றும் தைரியத்தின் அடையாளமாக விளங்கும் இந்த நான்கு வீராங்கனைகளும், சவாலான பாதுகாப்புப் பணிகள் மற்றும் சாகச நடவடிக்கைகளில் பிஎஸ்எஃப் பெண் காவலர்களின் வளர்ந்து வரும் திறனை உலகிற்குப் பறைசாற்றுகின்றனர்.

இறுதி இலக்கை நோக்கி...

தற்போது இக்குழுவினர் எவரெஸ்ட் மலைச் சூழலுக்குத் தங்களை வெற்றிகரமாகத் தகவமைத்துக் கொண்டு (Acclimatisation Phase), இறுதிப் புள்ளிக்கு முந்தைய 'சவுத் கோல்' (South Col) பகுதியைச் சென்றடைந்துள்ளனர். வானிலை சாதகமாக இருக்கும் பட்சத்தில், மே 21 அதிகாலை சிகரத்தை நோக்கிய தங்களது இறுதிப் பயணத்தை (Final Summit Push) அவர்கள் மேற்கொள்ளத் திட்டமிட்டுள்ளனர்.

IPL 2026: பிளே ஆப் பந்தயத்தில் 5 அணிகள், இருப்பதோ ஒரு இடம்.. சிஎஸ்கே தகுதி பெற என்ன செய்யனும்?

"மிஷன் வந்தே மாதரம்" மூலம், எல்லைப் பாதுகாப்புப் படை தேசிய ஒருமைப்பாடு, பெண் முன்னேற்றம், தேசபக்தி மற்றும் இந்தியாவின் கலாச்சார பாரம்பரியத்தை உலகிற்கு எடுத்துரைப்பதோடு, நாட்டின் இளைஞர்களைத் துணிச்சலுடனும், அர்ப்பணிப்புடனும் செயல்பட ஊக்கப்படுத்துகிறது.