செஸ் ஒலிம்பியாட் - அமெரிக்காவை நசுக்கிய சென்னை பசங்க..! குகேஷ்க்கு 8வது வெற்றி, பிரக்ஞானந்தா டிரா

தொடர் வெற்றி

சுமார் 45வது நகர்ததலில் அமெரிக்க வீரரின் ராஜாவுக்கு கட்டம் கட்டி காய்களை குகன் நகர்த்த, இறுதியில் ஃபெபியானோ தோல்வியை ஒப்பு கொண்டார். இதன் மூலம் தொடர்ந்து 8வது முறையாக குகன் வெற்றி பெற்றுள்ளார். பெரும் எதிர்பார்ப்புடன் களமிறங்கிய மற்றொரு தமிழக வீரர் பிரக்ஞானந்தா, அமெரிக்க வீரர் வீஸ்லியை எதிர்கொண்டார்.

பிரக்ஞானந்தா டிரா

இரு வீரர்களுமே ஒருவருக்கு ஒருவர் சளைக்காமல் விளையாடினர். இதனால் 33வது நகர்த்தலிலேயே இரு வீரர்களும் வெற்றி, தோல்வியின்றி சமனில் முடித்து கொள்வதாக ஒப்பு கொண்டனர். இதே போன்று பி அணியின் மற்றொரு வீரரான சத்வீக் வெற்றி பெற, சரின் நிஹல் டிரா செய்தார். இதனையடுத்து இந்திய பி அணி 3க்கு1 என்ற கணககில் அமெரிக்காவை வீழ்த்தியது.

சேதுராமன் டிரா

இதே போன்று இந்திய ஏ அணி அர்மேனியாவை எதிகொண்டது. இதில் இந்திய வீரர்கள் 3 பேர் டிரா செய்ய, ஹரி கிருஷ்ணா தோல்வியை தழுவினார். இதன் மூலம் ஆர்மேனியா இரண்டரை ஒன்றை என்ற கணக்கில் வென்றது. இந்திய சி அணி பெரு அணியுடன் தோல்வியை தழுவியது.இதில் தமிழக வீரர் சேதுராமன் சமன் செய்தார்.

முதல் தோல்வி

மகளிர் பிரிவில் இந்திய ஏ அணி, உக்ரைன் அணி மோதிய ஆட்டம் டிராவில் முடிவடைந்தது. இதில் தமிழக வீராங்கனை வைசாலி மோதிய ஆட்டம் டிராவில் முடிவடைந்தது. போலாந்துடன் விளையாடிய இந்திய சி அணியில் விளையாடிய தமிழக வீராங்கனை நந்திதா முதல் தோல்வியை தழுவினார். குரோஷியாவை எதிர்கொண்ட இந்திய பி அணி வெற்றி பெற்றது.