துப்பாக்கிச் சுடுதல்-தேஜஸ்வினி, லஜ்ஜா வெள்ளி வென்றனர்

டெல்லி: காமன்வெல்த் போட்டியில் இந்தியாவுக்கு இன்று மேலும் ஒரு வெள்ளிப் பதக்கம் வென்றது. மகளிருக்கான 50 மீட்டர் ஜோடி ரைபிள் பிரிவில் இந்திய வீராங்கனைகள் தேஜஸ்வினி சவாந்த் மற்றும் லஜ்ஜா கோஸ்வாமி ஆகியோர் வெள்ளிப் பதக்கம் வென்றனர்.

இருவரும் இணைந்து 1143 புள்ளிகளைப் பெற்றனர். இருப்பினும் சிங்கப்பூர் ஜோடி அகிலா சுதிர், ஜியாங் வெய் ஜாஸ்மின் ஆகியோர் கூடுதலாக 6 புள்ளிகளைப் பெற்று தங்கத்தைத் தட்டிச் சென்று விட்டனர். ஸ்காட்லாந்துக்கு வெண்கலம் கிடைத்தது.

உலக துப்பாக்கிச் சுடும் போட்டியில் தங்கம் வென்ற முதல் பெண் வீராங்கனை என்ற பெருமையுடன் இருப்பவர் தேஜஸ்வினி எந்பது குறிப்பிடத்தக்கது.

இந்தப் பதக்கத்துடன் இந்தியா இதுவரை 2 தங்கம், 4 வெள்ளி, 2 வெண்கலம் என எட்டுப் பதக்கங்களுடன் 3வது இடத்தில் உள்ளது.