Click it and Unblock the Notifications
50 போட்டிகளில்..
10 சுற்றுகளாக நடைபெற்ற இந்தப் போட்டி முடிவதற்கு 1:55 நிமிடங்கள் மட்டுமே எஞ்சிய நிலையில், ஃப்ளாய்ட் மேவெதர் வெற்றிபெற்று புதிய வரலாற்றுச் சாதனைப் படைத்தார். 50 போட்டிகளில் தோற்காமல் வென்ற வீரர் என்ற பெருமையைப் பெற்றுள்ளார் மேவெதர்.
மேவெதர் வெற்றி
மேவெதர் விட்ட சரமாரி குத்துக்களால், மெக்ரேகார் முகம் முழுவதும் ரத்தம் கசிந்தது. அவரால் மேற்கொண்டு செயல்பட முடியாமல் தள்ளாடினார். போட்டி முடிய இன்னும் 1:55 நிமிடங்கள் மட்டுமே மீதமிருந்த நிலையில், ஆட்டத்தை முடிப்பதாக நடுவர் அறிவித்தார்.
பரிசு பெல்ட்
இந்தப் போட்டியில் வென்றதன் மூலம் 1.5 கிலோ 24 காரட் தங்கம், 3,360 வைரக்கற்கள், 600 நீலக்கற்கள் மற்றும் 160 மரகதக்கற்களால் முதலைத் தோலில் வடிவமைக்கப்பட்ட பெல்ட் ஃப்ளாய்ட் மேவெதருக்கு பரிசாக அளிக்கப்பட்டது.
மேவெதர் பாராட்டு
இந்த சாதனை வெற்றி குறித்து ஃப்ளாய்ட் மேவெதர், " இதுவரை நான் சந்தித்த போட்டியாளர்களிலேயே மெக்கிரிகோர் மிகவும் சிறந்தவர். நான் நினைத்ததை விட அவர் சிறப்பாக விளையாடினார். புதுமையான பல யுத்திகளை பயன்படுத்தினார்.
கடைசி போட்டி
ஆனால் இறுதியில் நான் சிறந்தவன் என்பதை நிரூபித்துவிட்டேன். குத்துச்சண்டை ரசிகர்களுக்கு இந்தப் போட்டி நிச்சயம் சிறந்த விருந்தாக அமைந்திருக்கும். நான் முன்பு கூறியது போலவே எனது ஓய்வு முடிவில் இருந்து பின்வாங்கப் போவதில்லை. எனது கடைசி போட்டி இத்தனை சிறப்பாக அமையும் என்று நான் நினைக்கவில்லை" என்று கூறியுள்ளார்.
Continue with Google