அமெரிக்க பிஜிஏ கோல்ப் பட்டம் வென்று அர்ஜூன் அத்வால் புதிய சாதனை

கிரீன்ஸ்போரா (அமெரிக்கா): அமெரிக்காவில் நடைபெற்ற கோல்ப் சாம்பியன் போட்டியில் பட்டம் வென்று, முதல் முறையாக அமெரிக்க பிஜிஏ பட்டத்தை வென்ற முதல் இந்தியர் என்ற சாதனையைப் படைத்துள்ளார் இந்தியாவின் அர்ஜூன் அத்வால்.

கிரீன்ஸ்போரோவில் நடந்த போட்டியில் வின்ட்ஹாம் சாம்பியன்ஷிப் போட்டியில்தான் அத்வாலுக்கு கோப்பை கிடைத்தது.

இறுதிச் சுற்றுக்குள் அத்வால் நுழைந்தபோது 3 ஷாட் முன்னிலையில் இருந்தார். இறுதிச் சுற்றில் அவர் வெற்றி பெற்று 9,18,000 டாலர் பரிசுத் தொகையுடன் கோப்பையைத் தட்டிச் சென்றார்.

இப்போட்டியில் இரண்டாவது இடத்தை அமெரிக்காவின் டேவிட் டோம்ஸ் பெற்றார்.