India’s schedule Tokyo Olympics Aug 5: சாதிக்குமா ஆண்கள் ஹாக்கி அணி? ரவிக்குமார் தங்கம் வெல்வாரா?

ஜப்பான்: டோக்கியோ ஒலிம்பிக்கில் இன்றைய 13வது நாள், இந்தியாவுக்கு ஏமாற்றமே மிஞ்சியது. குறிப்பாக, பெண்கள் ஹாக்கி போட்டியில் அரையிறுதியில் இந்தியா தோல்வி அடைந்தது.

இந்திய பெண்கள் ஹாக்கி அணி அரையிறுதி வரை முன்னேறும் என்று எவருமே எதிர்பார்க்கவில்லை. முதன் முறையாக இந்த மைல்கல்லை இந்தியா எட்டியது. இதனால், இன்றைய போட்டி மீது பெரும் எதிர்பார்ப்பு நிலவியது.

India’s schedule at Tokyo Olympics 2020 for 5th August day 14

ஆனால், அர்ஜென்டினா அணியுடன் மோதிய இந்தியா, 2-1 என்ற கோல் கணக்கில் தோல்வி அடைந்தது. எனினும், வரும் ஆகஸ்ட்.6ம் தேதி நடக்கும் வெண்கலப்பதக்கத்துக்கான போட்டியில், பிரிட்டன் அணியுடன் இந்தியா மோதுகிறது. எனினும், நாளை (ஆகஸ்ட்.5) வெண்கலப்பதக்கத்துக்கான போட்டியில் ஜெர்மனி அணியை எதிர்கொள்கிறது இந்திய ஆண்கள் ஹாக்கி அணி.

நாளைய போட்டியில் குறிப்பிடத்தகுந்த மற்றொரு போட்டி, ஆண்கள் ஃப்ரீஸ்டைல் 57 கிலோ தங்கப் பதக்கப் போட்டியாகும். இதில், இந்திய வீரர் ரவிக்குமார் தஹியா Zaur உகுவேவ்-ஐ எதிர்கொள்கிறார். இதில், ரவி தங்கம் வென்றால், ஒலிம்பிக் தொடரில் தனி நபர் பிரிவில் இந்தியா சார்பில் தங்கம் வென்ற 2வது வீரர் எனும் பெருமையை அபினவ் பிந்த்ராவுக்கு (துப்பாக்கிச் சுடுதல்) பிறகு பெறுவார்.

சரி.. நாளை (ஆக.5) அதாவது ஒலிம்பிக்கின் 14வது நாளில் இந்தியா பங்கேற்கவுள்ள போட்டிகள் குறித்து இங்கே பார்க்கலாம்.

தடகளம்

ஆண்களுக்கான 20 கிமீ race walk இறுதிப் போட்டி: இந்தியா சார்பில் KT இர்பான், ராகுல் ரோஹில்லா, சந்தீப் குமார் ஆகியோர் இதில் பங்கேற்கின்றனர். இந்திய நேரப்படி இப்போட்டி மதியம் 1:00 மணிக்கு தொடங்குகிறது.