உலக மகளிர் ராபிட் செஸ் சாம்பியன்ஷிப் - கோனேரு ஹம்பி வெற்றி

கோனேரு ஹம்பி வெற்றி

ரஷ்யாவின் மாஸ்கோவில் நடைபெற்ற உலக மகளிர் ராபிட் செஸ் சாம்பியன்ஷிப் போட்டியில் இந்திய கிராண்ட்மாஸ்டர் கோனேரு ஹம்பி வெற்றி பெற்று பட்டத்தை வென்றார்.

மறுபிரவேசத்தை வலிமையாக்கிய சாம்பியன்

குழந்தை பேற்றிற்காக கடந்த இரண்டு ஆண்டுகளாக சர்வதேச போட்டிகளில் விளையாடாமல் இருந்த ஹம்பி, தற்போது இந்த போட்டியில் வென்றதன்மூலம் தன்னுடைய மறுபிரவேசத்தை வலிமையாக்கியுள்ளார்.

சீன வீராங்கனையிடம் வெற்றி

மாஸ்கோவில் நடைபெற்ற மகளிர் போட்டியில் 12 சுற்றுகள் முடிவடைந்த நிலையில் தன்னை எதிர்த்து போட்டியிட்ட சீனாவின் லீ டிங்ஜியுடனான டை பிரேக்கில் வென்று சாம்பியன்ஷிப்பை வென்றுள்ளார் ஹம்பி.

விஸ்வநாதன் ஆனந்திற்கு அடுத்த வெற்றி

கடந்த 2017ல் உலக ராபிட் செஸ் சாம்பியன்ஷிப் போட்டியை இந்தியாவின் விஸ்வநாதன் ஆனந்த் வென்ற நிலையில், இந்த போட்டியில் தங்கம் வென்ற இரண்டாவது இந்தியர் என்ற பெருமையை கோனேரு ஹம்பி தற்போது பெற்றுள்ளார்.

கோனேரு ஹம்பி பேட்டி

உலக மகளிர் ராபிட் செஸ் சாம்பியன்ஷிப் போட்டி டைட்டிலை வென்ற கோனேரு ஹம்பி, தான் இந்த வெற்றியை எதிர்பார்க்கவில்லை என்றும் முதல் மூன்று இடங்களில் வெற்றி பெறுவேன் என்று எதிர்பார்த்ததாகவும் தெரிவித்துள்ளார்.

துருக்கி வீராங்கனைக்கு வெண்கலம்

இதையடுத்து சீனாவின் லீ டிங்ஜி வெள்ளிப் பதக்கத்தையும் துருக்கியின் எகடெரினா அடாலி வெண்கலத்தையும் வென்றுள்ளனர்.

மாக்னஸ் கார்ல்சன் வெற்றி

ஆடவர் பிரிவில் நார்வே வீரர் மாக்னஸ் கார்ல்சன் உலக ராபிட் செஸ் சாம்பியன் பட்டத்தை வென்றுள்ளார்.