டான்சிங் ரோஸ்னு நினைப்போ? வெற்றிபெற்றதும் "ஓவராக" துள்ளிய பாக்சர்.. ப்ச் கடைசியில் இப்படி ஆகிடுச்சே!

ஆனால்

ஆனால் அயர்லாந்து வீரர் ஐடன் வால்ஷ் காயம் காரணமாக நீக்கப்பட்டதால் இந்த செமி பைனல் போட்டி ரத்து செய்யப்பட்டது. காலிறுதி போட்டியில் மொரிஷியஸ் வீரர் மேர்வான் கிளாரை அயர்லாந்து வீரர் ஐடன் வால்ஷ் வீழ்த்தி வெற்றிபெற்றார். 4:1 என்ற புள்ளி கணக்கில் ஐடன் வால்ஷ் வெற்றிபெற்றார்.

கொண்டாட்டம்

இந்த வெற்றிக்கு பின் ஐடன் வால்ஷ் மிகவும் உற்சாகமாக தனது வெற்றியை கொண்டாடினார். ரிங்கிற்கு உள்ளேயே துள்ளி குதித்தார். சார்பட்டா டான்சிங் ரோஸ் போல இவர் குதித்து குதித்து டான்ஸ் ஆடினார். அப்போது திடீரென இவரின் காலில் சுளுக்கு ஏற்படவே மேடையிலேயே காலை பிடித்தபடி உட்கார்ந்தார். வலியில் துடித்தவர் பின்னர் நடக்க முடியாமல் நொண்டியபடி வெளியேறினார்.

கால்

ஓவராக துள்ளியதால் இவரின் கணுக்காலில் பாதிப்பு ஏற்பட்டுள்ளது. இதனால் இன்று எழுந்து நிற்க முடியாத அளவிற்கு கஷ்டப்பட்டு இருக்கிறார். இன்று இவர் தனக்கு இருந்த மருத்துவ சோதனைக்கும் வரவில்லை. அதோடு எடை சோதிப்பதற்கும் ஐடன் வால்ஷ் வரவில்லை.

நீக்கம்

இதனால் இவர் ஆட இருந்த செமி பைனல் போட்டி ரத்து செய்யப்பட்டது. இவருக்கு எதிராக செமி பைனலில் ஆட இருந்த பிரிட்டன் வீரர் பேட் மேக்கோர்மாக் நேரடியாக இறுதி போட்டிக்கு தகுதி பெற்றார். அதே சமயம் காலிறுதியில் வென்றதால் ஐடன் வால்ஷ் வெறும் வெண்கலத்தோடு ஒலிம்பிக்கில் இருந்து வெளியேறும் சூழ்நிலை ஏற்பட்டது.

பார்ம்

நல்ல பார்மில் இருந்த ஐடன் வால்ஷ் கொஞ்சம் அமைதியாக தனது வெற்றியை கொண்டாடி இருந்தால் செமி பைனலில் ஆடி வெள்ளியோ அல்லது பைனலில் தங்கமோ வென்று இருப்பார். ஆர்வ கோளாறாக துள்ளியதில் பாதியில் வெளியேற வேண்டிய கட்டாயம் ஏற்பட்டுள்ளது.