பிவி சிந்து முதல் பாக்ஸர் சதீஷ் வரை.. ஒரே நாளில் அடுத்தடுத்து 4 வெற்றி.. நம்பிக்கை தரும் இந்திய படை!

பேட்மிண்டன்

இன்று காலையில் பிவி சிந்து பேட்மிண்டன் பெண்கள் ஒற்றையர் பிரிவு காலிறுதிக்கு முந்தைய சுற்று போட்டியில் ஆடினார். இதில் டென்மார்க்கின் மியாவை வீழ்த்தி பிவி சிந்து வெற்றி பெற்றுள்ளார். 21- 15, 21- 13 என்ற நேர் செட்களில் பிவி சிந்து வெற்றி பெற்றுள்ளார். இதன் மூலம் அவர் காலிறுதிக்கு தகுதி பெற்றார். இது இவரின் ஹாட்ரிக் வெற்றியாகும்.

வில்வித்தை

இதையடுத்து ஒலிம்பிக் வில்வித்தை போட்டியில் இன்று இந்திய வீரர் அட்டானு தாஸ் சிறப்பாக ஆடினார். இதில் 32 ஜோடி சுற்றில் இந்தியாவின் அட்டானு தாஸ் இன்று காலை வெற்றிபெற்றார். 6-4 என்ற புள்ளி கணக்கில் சீன தைபே வீரர் டெங்கை வீழ்த்தி வெற்றி பெற்றுள்ளார். இதையடுத்து 1/16 சுற்றில் 6-5 என்ற புள்ளி கணக்கில் தென்கொரிய வீரர் ஜென்க் ஓவை வீழ்த்தி வென்று இவரும் காலிறுதிக்கு தகுதி பெற்றார்.

ஹாக்கி

அதோடு ஒலிம்பிக் 2020 ஹாக்கி போட்டியில் ஆண்கள் பிரிவில் இந்திய அணி இன்று வெற்றி பெற்றுள்ளது. அர்ஜென்டினாவை 3-1 என்ற கோல் கணக்கில் வீழ்த்தி இந்திய அணி வெற்றி பெற்றுள்ளது. 4 போட்டிகளில் இந்தியா இதுவரை 3 போட்டிகளில் வென்றுள்ளது. இன்றைய வெற்றி மூலம் இந்திய அணி காலிறுதிக்கு தகுதி பெற்றது.

பாக்சிங்

இதெல்லாம் போக இன்னொரு நல்ல செய்தியாக ஆண்கள் பாக்சிங் +91 கிலோவில் இந்தியாவின் சதிஷ் குமார் ஜமைக்காவின் ரிக்கார்டோ பிரவுனை வீழ்த்தி வெற்றிபெற்றுள்ளார். இதன் மூலம் சதீஷ் குமார் காலிறுதிக்கு தகுதி பெற்றுள்ளார். ரிக்கார்டோவை 4-1 என்ற கணக்கில் வீழ்த்தி சதிஷ் குமார் வெற்றி பெற்றார். ஒரே நாளில் 4 இந்திய குழு காலிறுதிக்கு தகுதி பெற்று அசத்தி உள்ளது.