சென்னை: உலககோப்பைக்கான தென்ஆப்பிரிக்கா கிரிக்கெட் அணி இன்று சென்னை வந்தது.

உலகக்கோப்பை கிரிக்கெட் போட்டிகள் வரும் 19-ம் தேதி துவங்குகின்றன. அதில் கலந்து கொள்வதற்காக கிரம் ஸ்மித் தலைமையிலான தென் ஆப்பிரிக்க அணி இன்று சென்னை வந்தது. அது வரும் 12-ம் தேதி சென்னை, சேப்பாக்கத்தில் உள்ள எம்.ஏ.சிதம்பரம் மைதானத்தில் ஜிம்பாப்வே அணியுடன் பயிற்சி ஆட்டத்தில் விளையாடுகிறது.

உலகக் கோப்பையை வெல்லும் என்று எதிர்பார்க்கப்படும் நாடுகளில் தென் ஆப்பிரிக்காவும் ஒன்று. இந்தியா, இங்கிலாந்து, மேற்கு இந்திய தீவுகள், பங்களாதேஷ், அயர்லாந்து மற்றும் நெதர்லாந்து ஆகிய நாடுகள் இருக்கும் குரூப் பி-யில் தான் தென் ஆப்பிரிக்காவும் இருக்கிறது.

வரும் 24-ம் தேதி டெல்லியில் நடக்கும் லீக் ஆட்டத்தில் தென் ஆப்பிரிக்கா மேற்கு இந்திய தீவுகள் அணியை எதிர்கொள்கிறது.