எல்லாவற்றிலும் நம்பர் 1....ஆனா டைட்டில் போச்சே...!

நம்பர் ஒன் புள்ளி

லீக் சுற்றின் முடிவில் புள்ளிகள் பட்டியலில் சென்னை சூப்பர் கிங்ஸ்தான் முதலிடத்தில் இருந்தது. ஆனால் சாம்பியன் பட்டத்தைப் பெறத் தவறி விட்டது.

பந்து வீச்சிலும் நம்பர் ஒன்

பந்து வீச்சிலும் சென்னைதான் முதலிடம். அதாவது அந்த அணியின் பிராவோதான் அதிக விக்கெட்களை வீழ்த்தினார். அவர் மொத்தம் 32 விக்கெட்களைச் சாய்த்தார். நேற்றைய இறுதிப் போட்டியில் மட்டும் அவர் 4 விக்கெட்களை அட்டகாசாக வீழ்த்தினார். ஆனாலும் பட்டம் நமக்குக்கிடைக்கவில்லை.

பேட்டிங்கிலும் நாம்தான் பர்ஸ்ட்

பேட்டிங்கிலும் சென்னைதான் நம்பர் ஒன் இடத்தைப் பிடித்துள்ளது. அந்த அணியின் மைக்கேல் ஹஸ்ஸிதான் அதிக பட்சமாக 738 ரன்களைக் குவித்திருந்தார். இருப்பினும் நேற்றைய போட்டியில் ஒரு ரன்னோடு அவரை விரட்டிவிட்டனர் மும்பை இந்தியன்ஸ் வீரர்கள்.,

தொடர்ச்சியாக 2வது முறை

கடந்த ஆண்டும் சென்னை சூப்பர் கிங்ஸ் அணி சிறப்பாக ஆடி இறுதிப் போட்டி வரை வந்தது. ஆனால் கொல்கத்தா நைட் ரைடர்ஸிடம் சிக்கி பட்டம் பெறத் தவறியது. இந்த முறையும் அது சீரான வேகத்தில் இறுதிப் போட்டிக்கு வந்தது. ஆனால் மும்பையிடம் தோல்வியுற்று விட்டது.

2 முறை சாம்பியன் - 3 முறை ரன்னர்

இதுவரை நடந்து முடிந்துள்ள 6 ஐஎபிஎல் தொடர்களில் சென்னை அணி இதுவரை 2 முறை சாம்பியன் பட்டத்தைப் பெற்றுள்ளது. 3 முறை ரன்னர் அப் ஆகியுள்ளது. இந்த சாதனையைப் படைத்த முதல் அணியும் சென்னைதான்.

எப்படியோ இதிலும் சென்னையே முதலிடத்தில் இருப்பதை நினைத்து ஆறுதல் பட்டுக் கொள்ள வேண்டியதுதான்....