ஒலிம்பிக்கில், இங்கிலாந்தின் வெற்றிகரமான சாதனையாளர் என்று அழைக்கப்படும் சைக்கிள் பந்தய வீரர் கிறிஸ் ஹாய் சர்வதேச போட்டிகளில் இருந்து ஓய்வு பெறுவதாக நேற்று திடீரென அறிவித்தார்.
37 வயதான கிறிஸ் ஹாய், 2004, 2008, 2012-ம் ஆண்டு ஒலிம்பிக் போட்டிகளில் மொத்தம் 6 தங்கப்பதக்கங்களை வென்றுள்ளார். 11 முறை உலக சாம்பியன் பட்டத்தையும் கைப்பற்றி இருக்கிறார்.
2014ம் ஆண்டு நடைபெறும் காமன்வெல்த் போட்டியில் பங்கு பெற்று பதக்கங்களைக் குவிப்பார் என்ற ரசிகர்களின் எதிர்பார்ப்பு கிறிஸ் ஹாய்யின் இந்த திடீர் அறிவிப்பால் பொய்த்துவிட்டது.