''நாங்களே எழுதி நாங்களே நடித்த நாடகம் சூப்பர்''... டோணி பெருமிதம்

அருமையான ஸ்கிரிப்ட்

இது அருமையான திரைக்கதையுடன் கூடிய திரைப்படம் போல அமைந்து விட்டது. நல்ல வெற்றி.

பந்து வீச்சு அருமை

நமது பந்து வீச்சாளர்கள் நமக்கு நல்ல தொடக்கத்தை ஏற்படுத்திக் கொடுத்தனர். தில்ஷன் ஆட்டமிழந்ததே இலங்கைக்கு பெரிய பலவீனமாக அமைந்தது.

ஸ்பின்னர்கள் சூப்பரப்பு

நமது பந்து வீச்சாளர்கள் குறிப்பாக சுழற்பந்து வீச்சாளர்கள் மிகச் சிறப்பாக பந்து வீசினர்.

பந்தும் ஒத்துழைத்தது

ஒரு அணிக்கு நல்ல பந்து வீச்சாளர்கள் இருக்க வேண்டியது அவசியமானது. பந்தும் கூட எங்களுக்கு நல்லவிதத்தில் ஒத்துழைத்தது.

நானே பந்து வீச வந்தது ஏன்

நேற்றைய ஆட்டத்தில் சில வேகப் பந்து வீச்சாளர்களை கடைசி நேரத்தில் வீச வைக்க திட்டமிட்டேன். இதனால்தான் இடையில் நான் பந்து வீசினேன். திணேஷ் கார்த்திக் இருந்ததால் கீப்பிங் பிரச்சினை ஏற்படவில்லை. முதல் ஓவரில் மோசமாக வீசினால் நிறுத்தலாம் என்றுதான் நினைத்தேன். ஆனால் நல்லவேளையாக நன்றாக வீசியதால் தொடர்ந்து வீசினேன்.

இங்கிலாந்து நல்ல அணிதான்

இங்கிலாந்து நல்ல அணிதான். அவர்களுடன் கடந்த 2 ஆண்டுகளில் பல போட்டிகளில் ஆடியுள்ளோம். இறுதிப் போட்டியை எதிர்பார்த்திருக்கிறோம் என்றார் டோணி.