மழை ஒருபக்கம்.. 'டிலே' ஒரு பக்கம்- 8 மணி நேரம் விரடடி விரட்டி ஆடி வென்ற சோம்தேவ்!

By Sutha

Published: Thursday, August 29, 2013, 16:10 [IST]

நியூயார்க்: ஒரு பக்கம் மழை. அதனால் ஏற்பட்ட குறுக்கீடுகள்.. இப்படி பல சோதனைகளைச் சந்தித்தபோதும் அமெரிக்க ஓபன் டென்னிஸ் போட்டியின் முதல் சுற்று ஆட்டத்தில் ஸ்லோவேகியாவின் லூகாஸ் லேக்கோவை கடுமையாக போராடி வீழ்த்தி வெற்றி பெற்றார் இந்தியாவின் சோம்தேவ் தேவ்வர்மன்.

கிட்டத்தட்ட 8 மணி நேரம் இந்தப் போட்டி இழுத்துக் கொண்டு போய் விட்டது.

இப்போட்டியில் சோம் தேவ், 4-6, 6-1, 6-2, 4-6, 6-4 என்ற செட் கணக்கில் வெற்றியை வசப்படுத்தினார்.

5 செட்

இந்தப் போட்டியை வெல்ல 5 செட்கள் தேவைப்பட்டது சோம்தேவுக்கு. இருந்தாலும் அவர் சளைக்கவில்லை.

கடுமையான போராட்டம்

லூக்காஸின் கடுமையான போட்டியையும் மீறி, அதை திறம்பட சமாளித்து, தைரியமாக விளையாடிய சோம்தேவ் அத்தனை இந்திய ரசிகர்களையும் கவர்ந்து விட்டார்.

போட்டி என்னவோ 3 மணி நேரம்தான்

இருவரும் விளையாடிய நேரம் என்னவோ மொத்தம் 3 மணி 11 நிமிடங்கள்தான். ஆனால் மழைதான் இடையில் வந்து நாசப்படுத்தி விட்டது.

4 மணி நேரம் ஆட்டம் பாதிப்பு

சோம்தேவ் தனது 3வது செட்டை வென்ற பின்னர் வந்த மழை கிட்டத்தட்ட 4 மணி நேரம் போட்டியை நிறுத்தி வைத்து விட்டது. பின்னர் மீணடும் ஆட்டம் தொடங்கியபோது அதே உத்வேகத்துடன் ஆடினார் சோம்தேவ்.

விட முடியாதுல்ல..

வெற்றிக்குப் பிறகு சோம்தேவ் கூறுகையில், செம மழை. டென்ஷனாகி விட்டது. இருப்பினும் விட முடியாதே.. கடுமையான போராட்டமாக இருந்தாலும் இறுதியில் வெற்றி கிடைத்தது சந்தோஷமாக உள்ளது என்றார்.