ஒலிம்பிக் டென்னிஸ்- 3-வது முறையாக தங்கம் வென்று சாதனை படைத்த வில்லியம்ஸ் சகோதரிகள்

ஒலிம்பிக் மகளிர் இறுதிச் சுற்றுப் போட்டிகள் நேற்று ஞாயிற்றுக்கிழமை நடைபெற்றது. அமெரிக்காவீன் வில்லியம்ஸ் சகோதரிகள் இணையானது செக் குடியரசின் ஆன்ட்ரியா- லூஸி ரடேகா இணையை எதிர்கொண்டது. போட்டியின் முடிவில் 6-4, 6-4 என்ற செட்களில் வில்லியம்ஸ் சகோதரிகள் இணை வென்றது.

கடந்த 2000, 2008 ஆம் ஆண்டு ஒலிம்பிக் போட்டிகளில் மகளிர் இரட்டையர் பிரிவு போட்டிகளில் தங்கம் வென்றுள்ள இந்த இணை இப்போது 3-வது முறையாக தங்கம் வென்றுள்ளது. இதன் மூலம் 3 வெவ்வேறு ஒலிம்பிக் டென்னிஸ் போட்டிகளில் தங்கப் பதக்கம் வென்றவர்கள் என்ற பெருமையையும் வில்லியம்ஸ் சகோதரிகள் இணை பெற்றுள்ளது.

கடந்த 2000-ம் ஆண்டு ஒலிம்பிக்கில் டென்னிஸ் மகளிர் ஒற்றையர் பிரிவில் வீனஸ் வில்லியம்ஸூம் , நடப்பு ஒலிம்பிக் போட்டியில் ஒற்றையர் பிரிவில் செரீனா வில்லியம்ஸூ தங்கம் வென்றுள்ளனர்.

ஸ்பெயினின் மார்டினெஸ் 1992, 1996, 2004 ஆகிய ஒலிம்பிக் போட்டிகளில் பதக்கம் வென்றுள்ளார். ஆனால் அவர் தங்கம் வென்றதில்லை. இரு வெள்ளிப் பதக்கங்களையும், ஒரு வெண்கலப் பதக்கத்தையும் மட்டுமே பெற்றுள்ளார்.