யார் இந்த தனலட்சுமி? தங்கையை இழந்தும் மீண்டும் சாதனை.. ஓட்டப்பந்தயத்தின் நம்பர் 1 இந்திய வீராங்கனை

மீண்டும் தங்கம்

இந்த நிலையில், கேரள மாநிலம் திருவனந்தபுரத்தில் இந்திய கிராண்ட் ஃப்ரி தடகள பந்தயம் நடைபெற்றது. இதில் இறுதிப் போட்டியில் பந்தய தூரத்தை தனலட்சுமி 23 புள்ளி 21 விநாடிகளில் கடந்து தங்கப் பதக்கத்தை தட்டிச் சென்றார். நட்சத்திர வீராங்கனை ஹிமா தாஸ் 23 புள்ளி 45 விநாடிகளில் கடந்ததால் அவருக்கு 2வது இடம் மட்டுமே கிடைத்தது.

ஒலிம்பிக் தொடர்

இதன் மூலம ஹிமா தாஸை தனலட்சுமி தொடர்ந்து 2வது முறையாக வீழ்த்தியுள்ளார். தனலட்சுமி டோக்யோ ஒலிம்பிக் போட்டியில் கலப்பு ரிலே ஓட்டப்பந்தயத்தில் இந்திய அணியில் இடம்பெற்றிருந்தார். ஆனால் அவருக்கு போட்டியில் களமிறங்க வாய்ப்பு கிடைக்கவில்லை.

தங்கை உயிரிழப்பு

தனலட்சுமியின் தந்தை சிறு வயதிலேயே உயிரிழந்த நிலையில், தாய் கூலி வேலை செய்து தனலட்சுமியை வளர்த்து வந்தார். தனலட்சுமியின் இரண்டு சகோதரிகளும் இறந்துவிட்டனர். இதில் ஒரு சகோதரி, தனலட்சுமி டோக்யோ சென்ற நிலையில் காலமானார். ஆனால், இந்த தகவலை அவரது குடும்பம் தெரிவிக்கவில்லை. இந்த நிலையில், தனலட்சுமி ஊர் திரும்பிய போது தான் அவர் உயிரிழந்த செய்தியை குடும்பத்தினர் தெரிவித்தனர்.

மீண்டும் சாதனை

இதனால் விமான நிலையத்திலேயே தனலட்சுமி அழுது புலம்பினார். தனலட்சுமி தனது வாழ்க்கையில் இவ்வளவு இழப்பை சந்தித்த பிறகும் மீண்டும் பயிற்சியில் ஈடுபட்டு தற்போது மீண்டும் தங்கப் பதக்கத்தை தட்டிச் சென்றுள்ளார். தனலட்சுமிக்கு அவரது பயிற்சியாளர் மணிகண்டன் தான் பக்க பலமாக இருந்து வருகிறார்.