சினிமா ஸ்டார்களின் நட்சத்திர கிரிக்கெட்டில் கோலிவுட்டை வீழ்த்திய டோலிவுட்!

முன்னணி நடிகர்கள்

விஷால், ஆர்யா, ஜீவா, பரத், விக்ராந்த், சாந்தனு போன்ற முன்னணி நடிகர்களை கொண்டது சென்னை ரைனோஸ் அணி. நடப்பாண்டு சீசனில், இதில் பங்கேற்க முடியாது என்று விஷால் அறிவித்தாலும், பிற நடிகர்கள் பின்வாங்கவில்லை.

இந்த ஆண்டும் அமர்க்களம்

வழக்கம்போலவே இந்த ஆண்டும் சென்னை ரைனோஸ் சிறப்பான ஆட்டத்தை வெளிப்படுத்தியது.

பெங்களூரு புல்டோசர்ஸ்

பரம வைரியான பெங்களூரு புல்டோசர்ஸ் அணியை அரையிறுதியில் ஜஸ்ட் லைக் தட் என்பது போல தோற்கடித்து இறுதி போட்டிக்குள் நுழைந்தது சென்னை அணி.

கோலிவுட் vs டோலிவுட்

மற்றொருபக்கம், ஆந்திரா-தெலுங்கானாவின் டோலிவுட் வாலாக்களின் தெலுங்கு வாரியர்ஸ் அணியும், இறுதி போட்டிக்கு தகுதி பெற்றது. தமிழ் மற்றும் தெலுங்கு திரையுலக அணிகள் நேற்று பிற்பகல் ஹைதராபாத்தில் மோதின.

எளிதான வெற்றி

முதலில் பேட் செய்த சென்னை அணி 133 ரன்களை இலக்காக நிர்ணயித்தது. 11 பந்து எஞ்சிய நிலையில் தெலுங்கு வாரியர்ஸ் அணி, இந்த ஸ்கோரை எட்டி வெற்றி பெற்றது. வெறும் 3 விக்கெட்டுகளை மட்டுமே இழந்து வெற்றி இலக்கை எட்டியது தெலுங்கு வாரியர்ஸ் அணி.